देवरुख | प्रतिनिधी: देवरुख नगरपंचायत हद्दीतील अत्यंत महत्त्वाच्या ठिकाणांपैकी एक असलेल्या छत्रपती शिवाजी महाराज चौक पाराच्या परिसराच्या सुशोभीकरणाच्या कामाचे भूमिपूजन आमदार शेखर निकम यांच्या शुभहस्ते व उपस्थितीत मोठ्या उत्साहात पार पडले.
देवरुख शहराच्या सौंदर्यात भर घालणारे हे काम अत्यावश्यक असल्याची जाणीव ठेवून आमदार शेखर निकम यांनी या प्रकल्पासाठी प्राधान्याने निधी मंजूर करून आणला. हे त्यांच्या विकासाभिमुख व दूरदृष्टीपूर्ण नेतृत्वाचे उत्तम उदाहरण असल्याची भावना यावेळी उपस्थितांनी व्यक्त केली.
या कार्यक्रमास सर्व पक्षांतील नवनिर्वाचित नगरसेवक, नगरसेविका, पदाधिकारी व कार्यकर्ते मोठ्या संख्येने उपस्थित होते. राजकारणापेक्षा विकास महत्त्वाचा असल्याचे या प्रसंगी प्रकर्षाने जाणवले. एकोप्याचे दर्शन घडवत देवरुखवासीयांनी आमदार शेखर निकम यांच्यावरील प्रेम, विश्वास आणि आपुलकी पुन्हा एकदा अधोरेखित केली.
आमदार शेखर निकम हे विकासकामे करताना कोणताही पक्षीय भेदभाव न करता सर्वसामान्य जनतेसाठी काम करणारे नेतृत्व म्हणून ओळखले जातात. आपले–परके असा दुजाभाव न करता सर्वांपर्यंत विकास पोहोचवणे हेच त्यांच्या यशाचे गमक असल्याचे बोलले जात आहे. त्यामुळेच देवरुखसह संपूर्ण मतदारसंघात त्यांच्याविषयी अपार विश्वास आणि आदर निर्माण झाला आहे.
या भूमिपूजन सोहळ्यास नगराध्यक्षा मृणाल शेट्ये, नगरसेविका प्राची भुवड, तसेच नगरसेवक यशवंत गोपाळ, दिपक खेडेकर, अक्षय झेपले, अनुराग कोचिरकर, निधी कापडी, रिया कदम, बाळा कामेरकर, हनिफ शेठ हरचिरकार, वामनराव मोडक, बाळू ढवळे, पंकज पुसाळकर, प्रफुल्ल भुवड, नितिन भोसले, धनसूख पटेल, हरेश पटेल, सागर संसारे, रवींद्र लाड, बाळू वनकर, बाळा पंदेरे, रामू पंदेरे, मंगेश बांडागळे, दिनेश बांडागळे, प्रतीक वनकर, गिरिष भोंदे, मकरंद नलावडे, राजू जागुष्टे, नंदू देसाई, बबन चव्हाण, विनित बेर्डे, इस्तियाक कापडी यांच्यासह अनेक मान्यवर पदाधिकारी व कार्यकर्ते उपस्थित होते.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
