मंडणगड (प्रतिनिधी) : सावित्रीबाई फुले शिक्षण प्रसारक मंडळाच्या लोकनेते गोपीनाथजी मुंडे कला, वाणिज्य व विज्ञान महाविद्यालयात आय. क्यु. ए. सी. अंतर्गत महिला विकास कक्ष व वनस्पतीशास्त्र विभागाच्या वतीने ‘सुगंधित मेणबत्ती प्रशिक्षण’ कार्यशाळेचे आयोजन करण्यात आले होते. प्रशिक्षण कार्यशाळेस मार्गदर्शक म्हणून वनस्पतीशास्त्र व महिला विकास कक्ष विभागप्रमुख डॉ. संगीता घाडगे उपस्थित होत्या. कार्यक्रमाच्या अध्यक्षस्थानी महाविद्यालयाचे प्रभारी प्राचार्य डॉ.वाल्मिक परहर, उपप्राचार्य डॉ.विष्णू जायभाये, डॉ. विनोदकुमार चव्हाण, ग्रंथपाल डॉ.दगडू जगताप आदी मान्यवर उपस्थित होते.
महाविद्यालयाचे प्राचार्य व कार्यक्रमाचे अध्यक्ष डॉ. वाल्मिक परहर यांच्या हस्ते प्रशिक्षण कार्यशाळेचे उद्घाटन करण्यात आले. तत्पूर्वी डॉ. संगीता घाडगे यांनी सर्व उपस्थित मान्यवरांचे स्वागत करुन कार्यशाळेचे प्रास्ताविक करताना सांगितले की, या विभागाच्या वतीने विविध उपक्रमांचे वेळोवेळी आयोजन करण्यात येते. याचाच एक भाग म्हणून महाविद्यालयातील विद्यार्थी-विद्यार्थिनींना ‘नवीन शैक्षणिक धोरण – 2020’ अंतर्गत व्यवसायाभिमुख शिक्षण देऊन आत्मनिर्भर व उद्योजक बनवण्यावर भर देण्यात आला आहे. त्याकरिता या संधीचा सर्व विद्यार्थ्यांनी नी लाभ घ्यावा असे सांगितले.
अध्यक्षीय समारोप करताना प्रभारी प्राचार्य डॉ. वाल्मिक परहर म्हणाले की, आज जागतिकीकरण व खाजगीकरणाच्या काळात दिवसेंदिवस नोक-यांचे प्रमाण खूपच कमी होत चालले आहे. अशावेळी आपल्याकडे असणा-या कला-कौशल्यांच्या आधारे विविध प्रकारचे प्रशिक्षण घेवून आपण आपला स्वतःचा छोटा-मोठा उद्योग-धंदा सुरू करू शकतो. सर्व विद्यार्थ्यांनी आपल्यातील सुप्त कला-कौशल्ये ओळखून अशा प्रशिक्षणाच्या माध्यमातून आपला स्वतःचा एक आर्थिक स्त्रोत तयार करावा व स्वावलंबी बनावे.
यावेळी वनस्पतीशास्त्र विभागातील विद्यार्थ्यांनी विविध रंग, आकार व सुंगधी मेणबत्त्या बनविल्या व त्याचे प्रदर्शन भरविण्यात आले होते. महाविद्यालयीन विद्यार्थ्यांनी बनविलेल्या या मेणबत्ती उत्पादनास महाविद्यालय स्तरावर मोठा प्रतिसाद मिळाला. यावेळी विद्यार्थी व शिक्षक-शिक्षकेतर कर्मचा-यांना या मेणबत्त्यांची विक्री देखील करण्यात आली.
सदर कार्यशाळेत मोठया संख्येने विद्यार्थी व विद्यार्थिनी उपस्थित होत्या. कार्यक्रम यशस्वी होण्याकरिता डॉ.संगीता घाडगे, डॉ. विनोदकुमार चव्हाण यांनी परिश्रम घेतले. शेवटी उपस्थितांचे आभार डॉ. विनोदकुमार चव्हाण यांनी मानले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
