बहुजन समाज पक्षाच्या (बीएसपी) प्रमुख मायावती यांनी आज ( दि. १० ) पक्षाच्या बैठकीत आपला भाचा आकाश आनंद यांना उत्तराधिकारी म्हणून नियुक्त केले. लखनौमध्ये झालेल्या बैठकीत हा निर्णय घेण्यात आला.
कोण आहेत आकाश आनंद?
आकाश आनंद यांच्याकडे बीएसपी अध्यक्षपदानंतर पक्षाचे नेते म्हणूनच पाहिले जात होते. मागील एक वर्षापासून पक्षातंर्गत महत्त्वपूर्ण निर्णयात त्यांचा सहभाग असे. आकाश आनंद हे मायावती यांचे धाकटे बंधू आनंद कुमार यांचे पुत्र आहेत. आकाश आनंद यांनी २०१६ मध्ये बसपमध्ये प्रवेश केला. त्यांना 2019 च्या लोकसभा निवडणुकीत ते पक्षाचे स्टार प्रचारकांपैकी एक हाेते. 31 वर्षीय आकाश आनंद हे डॉ. बाबासाहेब आंबेडकर यांच्या जयंतीनिमित्त अलवरमध्ये आयाेजित ‘स्वाभिमान संकल्प यात्रेत’ सहभागी झाले होते. 2018 मध्ये राजस्थानमध्ये बसपाच्या निवडणूक प्रचारातही ते सक्रीय हाेते. त्या निवडणुकीत बसपने सहा जागा मिळवल्या होत्या.
