सावर्डे: प्रतिनिधी चिपळूण तालुक्यातील सावर्डे येथील डेरवण तसेच मुंबई-गोवा रस्त्यावरील चार दुकाने चोरट्यांनी फोडली असून रोख रक्कम व सोन्याचे दागिने लांबविले आहेत. या घटनेने सावर्डे परिसरात खळबळ उडाली आहे. गुरुवारी (दि. १०) मध्यरात्री १ : ३० ते २:३० वाजण्याच्या सुमारास ही घटना घडली. हे चोरटे सीसीटीव्ही फुटेजमध्ये कैद झाले आहेत.
चोरट्यांनी दुकानांचे शटर तोडून आत प्रवेश केला व रोख रक्कम तसेच सोन्याचे दागिने लंपास केले. याप्रकरणी तीन वेगवेगळे सीसीटीव्ही फुटेज सावर्डे पोलिसांच्या हाती लागले आहेत. सावर्डे पोलीस ठाण्यात व्यापाऱ्यांनी दिलेल्या फिर्यादीनुसार अज्ञात चोरट्यांवर
गुन्हा दाखल करण्यात आला आहे. मुंबई-गोवा रस्त्यावरील होलसेल किराणा व्यापारी रुपेश खेडे कर रस्त्यावरील दीपक सावर्डेकर व साजन कुरुसिंगल यांचे फ्रेण्ड्स सुपर बझार, त्याच्या समोर असणारे केदारनाथ हार्डवेअर तसेच ओंकार ज्वेलरी, लॉज ही चार दुकाने चोरट्यांनी फोडली. लोखंडी पट्ट्या कापून शटर ! तोडून अज्ञात चोरटे दुकानांमध्ये शिरले. २५ ते ३० वयोगटातील हे तरुण आहेत. दरम्यान या प्रकरणामुळे व्यापारी वर्गात भीतीचे वातावरण पसरले आहे.
जाहिरात
