नवी दिल्ली :- कोळसा खाण वाटपातील अनियमिततेच्या प्रकरणात माजी राज्यसभा खासदार विजय दर्डा यांना दिल्ली विशेष न्यायालयाने आज ४ वर्षांच्या तुरुंगवासाची शिक्षा सुनावली. तर त्यांचा मुलगा देवेंद्र दर्डा, यवतमाळ एनर्जी प्रायव्हेट लिमिटेडचे संचालक मनोज कुमार जयस्वाल यांनाही ४ वर्षांच्या कारावासाची शिक्षा सुनावली आहे. तसेच याच प्रकरणात न्यायालयाने माजी सचिव एचसी गुप्ता, दोन वरिष्ठ लोकसेवक केएस क्रोफा आणि केसी सामरिया यांना ३ वर्षांच्या तुरुंगवासाची शिक्षा सुनावली आहे.
सीबीआयने न्यायालयाला दिलेल्या माहितीत नमूद केलं आहे की, जेएलडी यवतमाळ एनर्जी लिमिटेडला छत्तीसगडमधील पूर्व फतेहपूर कोळसा खाणी मिळाल्या होत्या. हा एका षडयंत्राचा भाग असून यात पात्रतेच्या निकषांचा चुकीचा अर्थ काढण्यात आला. तसेच अर्जांमध्ये चुकीचे दावे करण्यात आले आहेत.
