*मुंबई-* गेल्या चार दिवसांपासून महाराष्ट्रात झालेल्या मुसळधार पावसानंतर आता हवामान विभागाने दिलासादायक अंदाज व्यक्त केला आहे. बंगालच्या उपसागरात निर्माण झालेला कमी दाबाचा पट्टा उत्तरेकडे सरकला आहे आणि अरबी समुद्रात तयार झालेले चक्रीवादळ गुजरातकडे वळत आहे. त्यामुळे पुढील काही दिवसांत महाराष्ट्रात पावसाची तीव्रता कमी होण्याची शक्यता आहे. मात्र, गुजरातमध्ये मुसळधार पाऊस सुरूच राहील.
गेल्या चार दिवसांत झालेल्या मुसळधार पावसामुळे मुंबई, पुणे, मराठवाडा आणि विदर्भात कहर दिसून आला आहे. आतापर्यंत राज्यात 24 जणांचा मृत्यू झाला आहे, तर शेकडो जनावरे मृत्युमुखी पडली आहेत. अनेक ठिकाणी घरे कोसळली आहेत आणि पिकांचे मोठे नुकसान झाले आहे. धरण क्षेत्रात पाण्याची पातळी झपाट्याने वाढत असल्याने अनेक धरणांमधून मोठ्या प्रमाणात पाणी सोडले जात आहे. नद्या दुथडी भरून वाहत आहेत आणि हजारो लोकांना सुरक्षित ठिकाणी हलवण्यात आले आहे.
विदर्भासाठी यलो अलर्ट…
मुंबई, कोकण आणि मध्य महाराष्ट्रात 23 ऑगस्टपर्यंत हलका ते मध्यम पाऊस पडेल. काही ठिकाणी मुसळधार पाऊस पडण्याची शक्यता आहे. विदर्भात 23 ते 24 ऑगस्ट दरम्यान यवतमाळ, वर्धा, नागपूर, भंडारा, चंद्रपूर, गोंदिया आणि गडचिरोलीसाठी यलो अलर्ट जारी करण्यात आला आहे. 25 ऑगस्टपासून कोकण, मध्य महाराष्ट्र आणि गुजरातमध्ये पुन्हा पावसाची तीव्रता वाढू शकते. पुढील तीन दिवस वाऱ्याचा वेग 40 ते 50 किमी प्रतितास दरम्यान राहू शकतो.
पुढील पाच दिवसांत पावसाचा अंदाज…
पुणे आणि सातारा घाटमाथ्यासाठी ऑरेंज अलर्ट जारी करण्यात आला होता. रत्नागिरी, रायगड, ठाणे, पालघर आणि नाशिक घाटमाथ्यासाठी दिवसभर यलो अलर्ट जारी करण्यात आला होता. या भागात दिवसभर पाऊस पडत आहे.
22 ऑगस्ट रोजी रायगड, रत्नागिरी, पुणे आणि सातारा घाटमाथ्यासाठी यलो अलर्ट जारी करण्यात आला आहे.
23 ऑगस्ट रोजी रायगड, रत्नागिरी, पुणे घाटमाथ्यासह विदर्भातील अनेक जिल्ह्यांमध्ये यलो अलर्ट जारी राहील.
24 ऑगस्ट रोजी रायगड, रत्नागिरी, सिंधुदुर्ग, पुणे घाटमाथ्यासह विदर्भातील जिल्ह्यांसाठी यलो अलर्ट जारी करण्यात आला आहे.
25 ऑगस्ट रोजी सिंधुदुर्ग, रत्नागिरी, रायगड आणि कोल्हापूर घाटमाथ्यासाठी यलो अलर्ट जारी करण्यात आला आहे. पुणे आणि सातारा घाटमाथ्यामध्ये मुसळधार पावसाची शक्यता आहे, ऑरेंज अलर्ट जारी करण्यात आला आहे.
एकंदरीत, हवामान खात्याच्या मते, पुढील चार-पाच दिवस राज्यातील बहुतेक भागात पावसाची तीव्रता कमी होईल, परंतु पश्चिम घाट परिसरात आणि विदर्भात सतर्कता बाळगणे आवश्यक आहे.
🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️🔹️
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
