माणूस माणसापासून लांब का जातो, याची दोन मुख्य कारणं भगवान श्रीकृष्णाने गीतेत उलगडून सांगितली आहेत.
श्रीमद भगवद्गीतेमध्ये एकूण १८ अध्याय आणि ७०० श्लोक आहेत, जे संस्कृत भाषेत लिहिले गेले आहेत. हा हिंदू धर्मातील एक महत्त्वाचा ग्रंथ आहे, जो भगवान कृष्ण आणि अर्जुन यांच्यातील संवादाचे समृद्ध वर्णन आहे. यामध्ये कर्मयोग, भक्ती योग आणि ज्ञानयोग याविषयी सविस्तर माहिती देण्यात आली आहे. श्रीमद्भगवद्गीतेतील उपदेशांचे पालन करणारा प्रत्येक व्यक्ती मोक्ष प्राप्त करतो. महाभारत युद्धात, अर्जुन त्याच्या नातेवाईक आणि गुरुंविरुद्ध लढण्यापूर्वी नैतिक संकटात होता. आपल्या प्रियजनांना युद्धासाठी सज्ज पाहून अर्जुन अत्यंत दुःखी आणि व्याकूळ झाला. त्याने या विषयावर त्याचा मित्र आणि सारथी श्रीकृष्ण याच्याशी चर्चा केली. यावर श्रीकृष्णाने अर्जुनाला गीतेचे ज्ञान दिले.
श्रीकृष्णाने अर्जुनला समजावून सांगितले की, क्षत्रिय म्हणून आपले कर्तव्य राज्याला सर्वोत्तम राजा देणे आणि अन्याय थांबवणे हे आहे. श्रीकृष्णाने अर्जुनाला हेही शिकवले की काम करणे हे मनुष्याचे कर्तव्य आहे, परंतु त्याच्या परिणामाची चिंता करणे योग्य नाही. या उपदेशानंतर अर्जुनने आपल्या शंका आणि संघर्ष सोडून युद्ध करण्याचा निर्णय घेतला. महाभारताचे हे युद्ध १८ दिवस चालले आणि शेवटी पांडवांनी कौरवांवर विजय मिळवला. श्रीकृष्णाच्या ज्ञानाने अर्जुनला समजले की धर्म आणि न्यायासाठी संघर्ष करणे आवश्यक आहे. मात्र या सगळ्यात माणूस माणसापासून लांब का जातो, याची कारणं देखील श्री कृष्णाने सांगितली आहेत.
मनातील भीती कशी दूर करायची?
स्वतः श्रीकृष्णानं दिलंय उत्तर! जाणून घ्या ‘हा’ अनमोल मंत्र
गीतेच्या शिकवणीनुसार, पहिली गोष्ट जी माणसाला माणसापासून वेगळी करते, ती म्हणजे जीभ आणि दुसरी गोष्ट म्हणजे पैसा. अशा अनेक गोष्टी आहेत ज्या माणसाला त्याच्या इच्छा आणि लोभापासून दूर ठेवतात. शब्द आणि पैशाचा प्रभाव एखाद्या व्यक्तीच्या मानसिकतेवर आणि नातेसंबंधांवर खोलवर परिणाम करू शकतो.
वाणीवर नियंत्रण ठेवणे आवश्यक-
श्रीकृष्णाने गीतेत सांगितले आहे की, सत्य आणि अहिंसेचे पालन करणे खूप महत्वाचे आहे. चुकीचे बोलणे आणि कठोर शब्द नातेसंबंध खराब करू शकतात आणि एखाद्या व्यक्तीमध्ये अहंकार, मत्सर आणि द्वेष वाढवतात. वाणीवर नियंत्रण ठेवणे, विचार न करता काहीही न बोलणे, नेहमी गोड व हितकारक शब्द वापरणे या गोष्टी गीतेत महत्त्वाच्या मानल्या आहेत. आपल्या संभाषणाद्वारे आपण इतरांशी आपले संबंध सुधारू किंवा खराब करू शकतो.
पैशांचा वापर योग्य ठिकाणी करा-
गीतेमध्ये श्रीकृष्णाने पैसा आणि भौतिक गोष्टींबद्दल अत्याधिक आसक्ती आणि लोभ असणे, म्हणजे दुर्गुण असे वर्णन केले आहे. आसक्ती माणसाला त्याच्या कर्तव्यापासून दूर नेते आणि नैतिक अधःपतनाकडे घेऊन जाते. धर्म आणि कर्मानुसार संपत्तीचा योग्य वापर केला पाहिजे, अशी शिकवण श्रीकृष्णाने दिली आहे. पैशाचा उपयोग समाजाप्रती असलेले कर्तव्य पार पाडण्यासाठी केला पाहिजे. स्वतःच्या हव्यास आणि इच्छा पूर्ण करण्यासाठी नाही.
