सलमान आणि शाहरुखच्या नात्याबद्दल संपूर्ण जगाला माहिती आहे. काही वर्षांपूर्वी दोघांमध्ये शत्रुत्व होते, मात्र सध्या दोघेही चांगले मित्र आहेत. यामुळेच भाईजान आणि बॉलिवूडचा किंग खान पडद्यावर एकत्र दिसले आहेत. ‘पठान’सोबत ‘किसी का भाई किसी की जान’चा टीझर रिलीझ झाला आहे. या टीझरमध्ये दबंग खानची वेगळी स्टाइल पाहायला मिळत आहे.
टीझरमध्ये सलमान जबरदस्त अॅक्शन करताना दिसत आहे. भाईजान दबंग खान याआधी अनेक चित्रपटांमध्ये अॅक्शन करताना दिसला असला, तरी ‘किसी का भाई किसी की जान’मध्ये तो शहनाज गिलसोबत आणि पूजा हेगडेसोबत रोमान्स करताना दिसणार आहे. टीझरमध्ये सलमानची दमदार अॅक्शन आणि दमदार परफॉर्मन्स पाहिल्यानंतर तुम्ही त्याच्यावरून नजर हटवू शकणार नाही.
टीझरमध्ये सलमानसोबत शहनाज गिलही दमदार अवतारात दिसली आहे. शहनाजला चित्रपटात पाहून चाहते खूप खूश आहेत. चित्रपटाच्या टीझरमध्ये शहनाजसोबत राघव जुयाल, पलक तिवारी आणि जस्सी गिल देखील दिसत आहेत.
