मुंबई (शांताराम गुडेकर )-बूड़ोकन कराटे चॅम्पियनशिप -२०२४ दुबई ही स्पर्धा रविवार दि.२८ एप्रिल २०२४ रोजी पार पडली.या चॅम्पियनशिप-२०२४ मध्ये विक्रोळी पार्क साईट येथील डॉ.सुहास भोसले, शिक्षिका सौ.रीता सु.भोसले यांची कन्या कु. रितिका सु.भोसले हिने उल्लेखनीय कामगिरी करत दोन गोल्ड मेडल (सुवर्ण पदक )पटकावले. वय वर्ष २०पेक्षा अधिक मध्ये रितिका भोसलेने काता व कुमिते या प्रकारात दोन गोल्ड मैडल मिळवली आहेत.
स्पर्धेत एकूण १६ देशातील ८२८ खेळाडू सहभागी झाले होते. दुबई,भारत,क़ज़ाकिस्तान,चीन,जपान,नेपाल,श्रीलंका,पाकिस्तान,इंडोनेसिया,कुवेत,ओमान,फिलिपिंन्स,भूटान, इंग्लैंड, ऑस्ट्रेलिया, सऊदी अरेबीया या देशाचे स्पर्धेक सहभागी झाले होते.रितिका हिने २० वर्षावरील या मुलींच्या वयोगटात हे यश मिळवले.क्वाटर फाइनल-ऑस्ट्रेलिया,सेमी फाइनल-कुवेत,फाइनल-सऊदी अरेबियाच्या प्लेयरला रितिका भोसलेनी हरवले.इंटरनेशनल इन्दो रयू कराटे दो फेडरेशनचे कोच फ्राज सर यांच्या मार्गदर्शनखाली तिने ही गोल्ड मॅडल जिंकली.आजवर रितिका भोसले हिने अनेक सुवर्ण, रजत व कास्य पदक मिळवली आहेत.रितिका भोसलेच्या या यशाबद्दल तिला अनेकांकडून अभिनंदनासह शुभेच्छा दिल्या आहेत.
