*संगमेश्वर /दिनेश अंब्रे-* एकात्मिक बाल विकास सेवा योजना प्रकल्प (देवरुख) ता. संगमेश्वर, बिट बुरंबी अंतर्गत येणाऱ्या सर्व अंगणवाड्या मिळून रामपेठ (नावडी) येथिल जि.प. केंद्र शाळा संगमेश्वर नं. २ येथिल सभागृहात कार्यक्रम संपन्न करण्यात आला.
प्रमुख अतिथी व्यासपिठावर उपस्थित मान्यवर बाल विकास प्रकल्प अधिकारी, देवरुख श्री. प्रथमेश इंगवले यांच्या शुभ हस्ते दीप प्रज्वलन करण्यात आले. संगमेश्वर पोलिस ठाण्याचे पोलीस निरीक्षक श्री. राजाराम चव्हाण सुपरवायझर रेश्मा सासणे, विवेक शेरे (प्रशासक), प्रतिक्षा शेरे (प्रशासक), अंजली कोळवणकर (विशेष कार्यकारी अधिकारी), सहाय्यक पोलीस उपनिरीक्षक विजया तांबडे म.पोलीस हवालदार वर्षारानी कोष्टी आदि मान्यवरांचे हस्ते दीप प्रज्वलन व सरस्वती च्या प्रतिमेला पुष्पहार अर्पण केले मान्यवरांचे बिटच्या वतीने शाल व पुष्पगुच्छ देवून सत्कार करण्यात आला. पोषण पखवडा कार्यक्रम ९ एप्रिल ते २३ एप्रिल या मध्ये सर्वच ठिकाणी I C D S कडून राबविण्यात येत आहे. कार्यक्रमाचे उद्दिष्ट ० ते ६ वर्ष या वयोगटातील बालकांचा सर्वांगीण विकास व्हावा. गरोदर माता, स्तनदा माता, किशोरी मुली ० ते ६ वयोगट बालकांची उंची वाढविणे, आदी आणि महत्वाच्या बाबींवर शासनाने लक्ष केंद्रित करून सदर उपक्रम बाल कल्याण विकास म्हणून राबविले जात आहेत. या बरोबरच पाककला स्पर्धा, रांगोळी स्पर्धा, ३ ते ६ वयोगटातील मुलांचे खेळ, नवचेतना, रॅली पोषण, आधार शिला ई. उपक्रम घेण्यात आले. बाळ विकास प्रकल्प अधिकारी प्रथमेश इंगवले यांनी उपस्थित अंगणवाडीच्या सेविका, मदतनीस व पालक, बालिका यांना मोलाचे मार्गदर्शन केले या मध्ये ‘पोषण पखवडा’ यांचा मुख्य उद्देश व त्यांचे महत्व विषद केले. बालकांच्या जीवनातील पहिल्या सहा वर्षाच्या टप्प्यातील मेंदूचा विकास, बौद्धीक विकास या अनुषंगाने आरोग्य विकास पालक व कुटुंब समुदायामध्ये या बाबतचा सराव व्हावा. जन जागृती करणे (थीम ) माता व बालकांचे पोषण व्हावे असे विचार व्यक्त केले सुपरवायझर सासणे मॅडम यांनी मार्गदर्शन केले. पोलीस निरीक्षक श्री. राजाराम चव्हाण यांनी रॅली व सर्वच उपक्रमांना शुभेच्छा व्यक्त केल्या. सहाय्यक पोलीस उपनिरीक्षक विजया तांबडे व महिला पोलीस हवालदार वर्षाराणी कोष्टी यांनी महिला सुरक्षा, सायबर क्राईम, मिशन जीवन, मिशन प्रगती, मिशन प्रतिसाद, या बद्दल उपस्थितांना माहिती देवून जनजागृती केली. सदर कार्यक्रमासाठी बुरंबी बिट मधील अंगणवाडी सेविका व मदतनीस यांनी मेहनत घेतली. ग्रामस्थ, पालक, किशोरवईन मुली आदी बहुसंख्येने उपस्थित होते. उत्कृष्ट सूत्रसंचालन बिट प्रमुख सुखदा शिंदे यांनी केले व आभार प्रदर्शन सेविका पल्लवी शेरे यांनी मानले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
