सध्या दिल्ली (Delhi) आणि आसपासच्या परिसरात वायू प्रदूषणाने कहर केला आहे. या वायू प्रदूषणापासून स्वत:चं संरक्षण करण्यासाठी प्रत्येकाने आपल्या आरोग्याची काळजी घेणं गरजेचं आहे. आरोग्य तज्ञांच्या मते, बाहेर जाण्यापूर्वी मास्क घालणे किंवा काम असेल तेव्हाच घराबाहेर पडा असा सल्ला देण्यात आला आहे. हे वायू प्रदूषण टाळण्यासाठी अनेकजण घरगुती उपायांचा देखील वापर करतात. असाच एक पदार्थ म्हणजे गूळ (Jaggery). गूळ वायू प्रदूषणामुळे घशात होणाऱ्या खवखवण्यापासून आराम मिळवून देतो असा दावा करण्यात आला आहे.
गूळ शरीराला डिटॉक्स करतो…
इंडियन एक्सप्रेसमध्ये प्रसिद्ध झालेल्या बातमीनुसार, ‘गट मायक्रोबायोम एक्स्पर्ट शोनाली सभरवाल’ यांनी इंस्टाग्रामवर सुचवले आहे की, वायू प्रदूषणामुळे होणारा घशाचा त्रास आणि खोकला कमी करण्यासाठी दिवसातून 2-3 वेळा गुळाचा एक छोटा तुकडा तुम्ही खाऊ शकता आणि त्यानंतर एक ग्लास पिऊ शकता. ‘हे शरीर डिटॉक्स करत नाही तर श्वसनमार्गातील कण साफ करते’. नैसर्गिक गूळ हा पोटॅशियम, मॅग्नेशियम आणि लोहाचा चांगला स्रोत आहे. ज्यामध्ये अनेक आरोग्यदायी फायदे आहेत.
गूळ कसा फायदेशीर आहे…?
योगसूत्र होलिस्टिक लिव्हिंगच्या संस्थापक शिवानी बाजवा यांनी सांगितले की, तज्ञांच्या मते, नैसर्गिक गूळ घसा साफ करण्यास मदत करतो. गुळामुळे वायू प्रदूषणातील सर्व विषारी रसायने खाण्यापासून वाचवू शकते. हे घसा आणि फुफ्फुसांसाठी नैसर्गिक क्लीन्सर म्हणून काम करते आणि संक्रमण टाळण्यासाठी तुमची प्रतिकारशक्ती वाढवते.
डीटी नुसार. सीके बिर्ला हॉस्पिटल (आर), दिल्ली येथील क्लिनिकल न्यूट्रिशनिस्ट दीपाली शर्मा यांच्या मते, गूळ वायुमार्गातील जळजळ कमी करण्यास मदत करतो. “याव्यतिरिक्त, गुळातील अँटीऑक्सिडंट्स फुफ्फुसांना प्रदूषकांमुळे होणाऱ्या नुकसानापासून वाचवण्यास मदत करतात.” बाजवा म्हणाले की, नैसर्गिक गुळाचे आतड्यांसाठी इतर आरोग्यदायी फायदे देखील आहेत. कारण ते बद्धकोष्ठता, अपचन आणि आम्लपित्तापासून मुक्त होण्यास मदत करतात. श्लेष्मा कमी करण्यास मदत करतात.
जर तुम्ही कोमट पाण्यात तुळशीची पाने आणि आलं घातलं तर ते तुमच्या संपूर्ण रोगप्रतिकारक शक्तीसाठी फायदेशीर आहे. यामुळे खाज आणि खोकल्यापासून आराम तर मिळतोच पण तुमची पचनशक्तीही चांगली राहते. हे मिश्रण तुम्ही दिवसातून किमान दोन वेळा खाऊ शकता.
