दबाव वृत्त : निलेश घाग खरेदी केलेल्या मोटारीची रक्कम कर्जदाराच्या वाहनकर्जावर जमा न करता १० लाख ६० हजार रुपयांची फसवणूक करणाऱ्या संशयिताविरुद्ध चिपळूण पोलिस ठाण्यात गुन्हा दाखल करण्यात आला आहे. नासिर टाके असे संशयिताचे नाव आहे. ही घटना १ ते ३० मे या कालावधीत कामथे येथे घडली.
पोलिसांकडून मिळालेल्या माहितीनुसार, फिर्यादी महिलेने
संशयितास मोटार १० लाख ६० हजार रुपयांना विकली होती; मात्र संशयिताने ठरल्याप्रमाणे वाहन खरेदी करताना काढण्यात आलेल्या वाहन कर्जखात्यात रक्कम जमा न करता फिर्यादी महिलेची फसवणूक केली तसेच गाडी परत न करता फिर्यादीचा विश्वासघात करून चारचाकी वाहनाचा अपहार केला. या प्रकरणी महिलने चिपळूण पोलिस ठाण्यात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे.
जाहिरात
