नागपूर | अंधश्रद्धा निर्मूलन समितीच्या वतीने नागपूर येथील बागेश्वर धामचे पंडित धीरेंद्र शास्त्री यांच्या विरोधात जी तक्रार करण्यात आली होती, त्याबाबत पोलिसांनी एफआयआर दाखल केला नसून चौकशी सुरू आहे. धीरेंद्र शास्त्री यांच्याबाबतचा वाद सातत्याने वाढत आहे. समितीचे उपाध्यक्ष श्याम मानव यांनी शास्त्री यांच्यावर अंधश्रद्धा पसरवल्याचा आरोप केला आहे. खोट्या चमत्काराच्या नावाखाली बाबा जनतेच्या भावनांशी खेळत असल्याचा आरोप त्यांनी केला. धीरेंद्र शास्त्री ‘जादू-टोना’ करतात, असा आरोप समितीने केला आहे.
अखिल भारतीय अंधश्रद्धा निर्मूलन समितीचे उपाध्यक्ष श्याम मानव यांनी त्यांना आव्हान दिले होते की, ते हे करू शकले तर ३० लाख रुपये देऊ. यानंतर शास्त्रींवर नागपुरातून पळून गेल्याचा आरोप झाला होता. आव्हान स्वीकारताना धीरेंद्र शास्त्री यांनी श्याम मानव आणि त्यांच्या लोकांना रायपूरला येण्याचे निमंत्रण दिले होते, जे श्याम मानव यांनी नाकारले.
नागपूरमधून पळून गेला होता, या आरोपाला बाबा धीरेंद्र शास्त्री यांनी फेटाळून लावले होते. दरबार होईपर्यंत अंधश्रद्धा निर्मूलन समितीचे लोक का आले नाहीत, असे ते म्हणाले. सनातन धर्माला बदनाम करण्याचे षडयंत्र रचले जात असल्याचे शास्त्री यांचे म्हणणे आहे. आपल्यावर लावण्यात आलेले आरोप त्यांनी फेटाळून लावले. त्याचबरोबर हे प्रकरण सध्या मीडियाच्या चर्चेत आहे. याची सोशल मीडियावर जोरदार चर्चा सुरू आहे. भाजपचे अनेक नेते आणि सर्व हिंदू संघटना बाबांच्या समर्थनार्थ पुढे आल्या आहेत, तर एक गट मात्र त्यांना विरोध करत आहे.
