चिपळूण : चिपळूण नगर परिषदेच्या निवडणुकीदरम्यान पक्षविरोधी कारवाया केल्याच्या आरोपावरून भारतीय जनता पार्टीने चार पदाधिकाऱ्यांविरोधात कठोर कारवाई केली आहे. भाजप रत्नागिरी उत्तर जिल्हाध्यक्ष सतीश मोरे यांनी संबंधितांना पक्षातून हकालपट्टी व निलंबनाचे आदेश दिल्याने शहराच्या राजकीय वर्तुळात खळबळ उडाली आहे. पक्षाच्या अधिकृत उमेदवारांविरोधात अपक्ष तसेच विरोधी पक्षाच्या उमेदवारांचा प्रचार केल्याचे, तसेच उमेदवारी अर्ज भरून थेट निवडणूक लढविल्याचे ठोस पुरावे आढळून आल्याने ही कारवाई करण्यात आल्याचे भाजपकडून जारी करण्यात आलेल्या पत्रकात नमूद करण्यात आले आहे.
या कारवाईअंतर्गत माजी नगराध्यक्षा सुरेखा नितीन खेराडे (माजी जिल्हाध्यक्षा, महिला मोर्चा उत्तर रत्नागिरी) आणि सुधीर सुधाकर पानकर यांची पक्षातून हकालपट्टी करण्यात आली आहे. तर श्रीराम शंकर शिंदे (माजी शहराध्यक्ष, चिपळूण शहर मंडळ) आणि परिमल सुरेश भोसले (जिल्हा उपाध्यक्ष, रत्नागिरी दक्षिण) यांचे निलंबन करण्यात आले आहे. पक्षशिस्तीचा भंग कोणत्याही परिस्थितीत खपवून घेतला जाणार नाही, तसेच अशा प्रकारच्या कारवायांवर भविष्यातही कठोर भूमिका घेतली जाईल, असा इशाराही भाजप नेतृत्वाने दिला आहे. या निर्णयामुळे चिपळूणच्या राजकारणात नव्या चर्चांना उधाण आले आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
