🟠 आज आयपीएलचे दोन सामने

Spread the love

▶️ पंजाब – कोलकाता, दिल्ली आणि लखनौ

मुंबई 1 एप्रिल आज आयपीएल 2023 मधील पहिला डबल हेडर सामना पंजाब आणि कोलकाता तर दुसरा डबल हेडर सामना दिल्ली आणि लखनौ यांच्यात होणार आहे. आयपीएलच्या 16 व्या हंगामाला 31 मार्चला सुरुवात झाली आहे. पहिला सामना चेन्नई सुपर किंग्स आणि गुजरात टायटन्स यांच्यात खेळवण्यात आला. यामध्ये गुजरातने चेन्नईवर पाच विकेट्सने विजय मिळवला.

आज शनिवारी (1 एप्रिल) आयपीएल 2023 मधील दुसरा सामना कोलकाता नाईट रायडर्स आणि पंजाब किंग्स यांच्यात होणार आहे. मोहाली येथील पंजाब क्रिकेट असोसिएशन स्टेडिअमवर हा सामना रंगणार आहे. दोन्ही संघातील काही खेळाडू दुखापतग्रस्त असल्यामुळे संघाची अडचण वाढली आहेत. यासोबतच दोन्ही संघ नव्या कर्णधाराच्या नेतृत्वाखाली मैदानात उतरणार आहेत. पंजाब किंग्स शिखर धवनच्या नेतृत्वात तसेच श्रेयस अय्यरच्या दुखापतीमुळे त्याचा अनुपस्थितीत कोलकाता नाईट रायडर्स संघाची कमान नितीश राणावर असेल. त्यामुळे या सामन्याकडे सर्वांच्या नजरा लागल्या आहेत.