संगमेश्वर- संगमेश्वर नावडी पोस्टाची आळी येथे असलेल्या सत्यसाई वाद्य दुकानचे मालक दिलीप सदाशिव लिंगायत यांच्या वाद्याच्या व्यवसायाला 155 वर्ष होऊन गेली आहेत.कसबा येथील वाद्यवृंदकार कै. गणलिंग लिंगायत यांच्या वडिलांनी 155 वर्षांपूर्वी पखवाज, मृदुंग, ढोल, ताशे ई.वाद्य भरण्यास सुरुवात केली होती.
कै.गणलींग लिंगायत हे दिलीप लिंगायत यांचे पणजोबा होते.यानंतर गेली अनेक पिढ्या हा व्यवसाय सुरू आहे. कै.सदाशिव लिंगायत यांनी साठ वर्ष संगमेश्वर बाजारपेठेत वाद्य दुरुस्ती व विक्री तसेच मुंबई येथून आणून ताशा, तबला, ढोलकी, ढोल आदी नवीन वाद्याची विक्री केली जायची.
वडिलोपार्जित तसेच पिढ्यान पिढीचा चालत आलेला वारसा दिलीप लिंगायत व भाऊ प्रकाश लिंगायत सांभाळत आहेत.त्यामध्ये काळानुरूप बदल देखील करताना दिसत आहेत. दिलीप लिंगायत भजनकार व वाजपी आहेत. सध्या दुकानात मृदुंग, ढोलक, ढोलकी, नाल,ताशा, डफली, पखवाज आदी विविध वाद्ये दुरुस्ती व विक्रीस असल्याचे दिलीप लिंगायत यांनी पत्रकारांशी बोलताना सांगितले.
नातेवाईक समीर गुरव (उक्षी) हे सध्या दुकानात कामात मदत करतात. एकूणच गणपती उत्सव जवळ आल्याने वादक वाद्य कामासाठी लगबग दिसून येत आहे. गणपती उत्सव काळात कोकणात वाडी वाडीतून जाकडी नृत्य, भजने, आरत्या, फुगड्या,गोफ, टिपऱ्या आधी घरोघरी उत्साह पूर्ण वातावरणात कार्यक्रम पार पडत असतात.
यात मुख्य साथ मिळते ती ढोलकी, मृदुंग, तबला,
डगा वाद्याची. त्याप्रमाणे डबलबारी भजनाचे जंगी सामने देखील गणेश उत्सव व सार्वजनिक गणेशोत्सव आदी ठिकाणी होत असतात.त्यामुळे वाद्य दुकान चे मालक व कारागीर यांना महत्त्व प्राप्त झाल्याचे दिसून येत आहे.कला, कौशल्य, मेहनत या कलाकारांमध्ये प्रामुख्याने दिसून येत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
