मंडणगड – येथील सावित्रीबाई फुले शिक्षण प्रसारक मंडळाच्या लोकनेते गोपीनाथजी कला, वाणिज्य व विज्ञान महाविद्यालयात राष्ट्रीय सेवा योजना विभागाच्या वतीने महाराष्ट्र शासनाच्या ‘नशामुक्त जनजागृती अभियान’अंतर्गत कार्यक्रमाचे आयोजन करण्यात आले होते. यावेळी महाविद्यालयाचे प्रभारी प्राचार्य डॉ. वाल्मिक परहर, उपप्राचार्य डॉ. विष्णु जायभाये, कार्यक्रमाधिकारी प्रा. संदीप निर्वाण, डॉ. महेश कुलकर्णी, डॉ. संगीता घाडगे, डॉ. सुरज बुलाखे, आदी मान्यवर उपस्थित होते.
कार्यक्रमाच्या सुरुवातीला प्रभारी प्राचार्य डॉ. वाल्मिक परहर यांच्या हस्ते उपस्थित मान्यवरांचे स्वागत करण्यात आले. तत्पूर्वी प्रा. संदीप निर्वाण यांनी सदर नशामुक्त जनजागृती अभियानाबाबत थोडक्यात माहिती सांगितली.
महाविद्यालयाचे प्रभारी प्राचार्य डॉ.वाल्मिक परहर यांनी सांगितले की आजच्या धकाधक्कीच्या जीवनात युवकांमध्ये व्यसनधिनतेचे प्रमाण वाढत असल्याची बाब चिंताजनक आहे. अशा वेळी त्यांना योग्य मार्गदर्शन करुन कोणत्याही नशा येणा-या पदार्थाच्या आहारी जाऊ नये यासाठी प्रयत्न करणे आज काळाची गरज आहे.
‘नशामुक्त जनजागृती अभियान-मुंबई-2026’ अंतर्गत महाराष्ट्राचे मुख्यमंत्री मा. देवेद्र फडणवीस यांच्या अध्यक्षतेखाली मुंबई, वरळी येथे नशामुक्त अभियान कार्यक्रमाचे आयोजन करण्यात आले होते. सदर कार्यक्रमाचे ऑनलाईन थेट प्रक्षेपण महाविद्यालयात विद्यार्थ्यांना दाखविण्यात आले. सदर कार्यक्रमानंतर डॉ. महेश कुलकर्णी यांनी सर्व उपस्थितांना ‘अंमली पदार्थ व्यसन मुक्ती’ शपथ दिली.
कार्यक्रमास शिक्षक शिक्षकेतर कर्मचारी, विद्यार्थी मोठया संख्येने उपस्थित होते. शेवटी उपस्थित सर्वांचे आभार डॉ. संगीता घाडगे यांनी मानले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
