संगमेश्वर – आदर्श विद्यामंदिर कोंड-सुर्डे नंबर एक शाळेने यावर्षी प्रतिवर्षाप्रमाणे आषाढी एकादशी निमित्त पंढरपुराची आठवण आणि पांडुरंगाला नमन म्हणून अध्यात्मिक ज्ञानात मुलांच्या भर पडावी यासाठी राहाटे चौक ते श्री देव राधाकृष्ण मंदिर कोंड असुर्डे इथपर्यंत मोठ्या भक्ती भावाने शाळकरी मुलांसह व पालक यांच्यासह मोठ्या आनंदाने दिंडी काढली.
शाळेचे मुख्याध्यापक हे स्वतः वारकरी कीर्तनकार व प्रवचनकार असून ह. भ .प .सुनील महाराज करंडे हे शाळेचे मुख्याध्यापक आहेत तसेच ते संगमेश्वर तालुका वारकरी संघटनेचे सन्माननीय खजिनदार सुद्धा आहे त्यामुळे दिंडीत नियोजन व आध्यात्मिक ज्ञान याच्यात कुठेही कमतरता जाणवली नाही शाळेच्या सहशिक्षिका श्रीमती शितल तानाजी पवार या सुद्धा स्वतः वारकरी असल्यामुळे शाळेला एक वेगळाच वारसा लाभला आहे असे नवनवीन उपक्रम शाळेतील शिक्षक व पालक मिळवून करतात त्यामुळे शाळेची पटसंख्या सद्यस्थितीला साठच्या वर गेली आहे उपक्रमशील शाळा म्हणून या शाळेकडे पाहिले जाते त्याचबरोबर संगमेश्वर विभागातील ही पहिली सेमी इंग्लिश शाळा असल्यामुळे या शाळेला फार नावाजलेलं कर्तुत्व लाभला आहे .
शाळा व्यवस्थापन समितीचे अध्यक्ष श्रीमती आर्या अमित मयेकर त्याचबरोबर ग्रामपंचायत सदस्य श्रुती अमोल कापडी शिक्षक पालक संघाचे अध्यक्ष श्री हंसराज दशरथ शिंदे माता पालक संघाचे अध्यक्ष वैष्णवी विवेक ढोल्ये यांचे विशेष सहकार्य लाभले . सदर दिंडीसाठी मुले व पालकांनी सहकार्य केल्याबद्दल मुख्याध्यापक आणि त्याचे आभार व्यक्त केले.
गावच्या नवनिर्वाचित सरपंच महोदया सौ सोनाली चंद्रकांत शिंदे यांनी या वारीसाठी शुभेच्छा पाठवल्या आहेत तसे च शाळा विकास कमिटीचे अध्यक्ष श्री मनमोहन एकनाथ बेंडके यांनी सुद्धा या वारीसाठी विशेष प्रयत्न केले .
शाळेतील सर्व पालक वर्ग व मुलांनी उत्तम साथ दिल्यामुळे दिंडी मोठ्या प्रयत्नाने उत्तमरीत्या पार पडली खरोखरच पंढरपूर अवतीर्ण झाल्यासारखे वाटले. संगमेश्वर तालुक्यातील सदर शाळेमध्ये वेळोवेळी नाविन्यपूर्ण उपक्रम राबवले जातात. त्यामुळे आज शाळेचे नावलौकिक पंचक्रोशी मध्ये झाले आहे. सदर कार्यक्रमाबद्दल नागरिकांनी मुख्याध्यापक, शिक्षक, शाळा कमिटी ,पालक विद्यार्थी मेहनत घेणारे सर्वांचे आभार व्यक्त केले आहेत.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
