संगमेश्वर प्रतिनिधी- जागतिक पातळीवर आपल्या निस्वार्थी समाजसेवेचा ठसा उमटवणाऱ्या लायन्स क्लब इंटरनॅशनलच्या ‘लायन्स क्लब संगमेश्वर’ या शाखेचा सन २०२६-२७ या नूतन वर्षाचा भव्य पदग्रहण सोहळा नुकताच पार पडला. सदरचा कार्यक्रम सेवा, समर्पण आणि सामाजिक बांधिलकीचा सोहळा संगमेश्वर तालुक्याने अनुभवायला मिळाला आहे . संगमेश्वर जवळील धामणी येथील प्रसिद्ध ‘द ड्राईव्ह इन’ येथे आयोजित करण्यात आला होता. सदर कार्यक्रम हा सामाजिक बांधिलकीचा आपुलकीचा सन्मानाचा ठरला. एक नवीन दिशा समाजाला देणारा कार्यक्रम आयोजन केल्याबद्दल विशेष कौतुक समाजामध्ये करण्यात येत आहे.
सदर कार्यक्रमाचे वैशिष्ट्य म्हणजे कोंड असुर्डे गावचे सुपुत्र रविकांत शिंदे यांना लायन्स क्लब संगमेश्वरचे अध्यक्षपद भूषविण्याची तिसऱ्यांदा संधी देण्यात आली आहे. सन २००२ पासून म्हणजे तब्बल वीस वर्षाहून अधिक काळ क्लबचे निष्ठावाला, प्रामाणिक व कर्तव्यदक्ष सक्रिय सदस्य राहिलेले रविकांत शिंदे हे काम करत आहे. त्याच कामाची पोचपावती म्हणून आता लागोपाठ दुसऱ्यांदा अध्यक्ष म्हणून विराजमान त्यांना संधी देण्यात आली आहे. रविकांत शिंदे यांच्या नेतृत्वावर लागोपाठ दुसऱ्यांदा आणि आणि गेल्या वीस वर्षांमध्ये तिसऱ्यांदा दाखवलेला हा विश्वास त्यांच्या कर्तृत्वा आणि सायन्स क्लब संगमेश्वर ने दाखवलेली कामाची पोच पावती आहे. त्यांच्या या निवडीबद्दल संपूर्ण जिल्ह्यातून कौतुकाचा प्रचंड वर्षाव होत आहे.
सोहळ्याच्या सुरुवातीला महेश उपळकर यांनी अत्यंत प्रभावी व अभ्यासपूर्ण प्रास्ताविक करण्यात आली, त्यांनी आपल्या प्रास्ताविकातून लायन्स क्लबच्या आजवरच्या यशस्वी वाटचालीचा आढावा घेतला आणि नूतन कार्यकारिणीचे स्वागत करण्यात आले.
सदर कार्यक्रमाचे मनोगत श्रीमती.नेहा संसारे यांनी यांनी केले असून सदर आणि सखोल प्रस्तावना केले. त्यांनी नवनिर्वाचित अध्यक्ष रविकांत शिंदे, सचिव अमोल पाटणे आणि खजिनदार मनीष चोचे या तिन्ही प्रमुख पदाधिकाऱ्यांची सामाजिक कार्यातील वाटचाल, त्यांची कौटुंबिक पार्श्वभूमी आणि त्यांच्या कुटुंबाचे सामाजिक कार्यातील योगदान यांचा अत्यंत आत्मीयतेने व विस्तृत परिचय करून दिला. त्यांच्या या सविस्तर परिचयामुळे नूतन पदाधिकाऱ्यांचा आणि त्यांच्या पाठीशी खंबीरपणे उभ्या असणाऱ्या कौटुंबिक आधाराचा गौरव करण्यात आला. त्यांच्या परिपूर्ण मनोगत आला उपस्थितांनी टाळ्यांच्या गजरात दाद दिली.
त्यानंतर, या दिमाखदार सोहळ्यासाठी प्रमुख पदग्रहण अधिकारी म्हणून लाभलेले दापोलीचे माजी विभागीय अध्यक्ष आशिष मेहता यांनी आपल्या मंत्रमुग्ध करणाऱ्या आणि मार्गदर्शक भाषणातून नूतन कार्यकारिणीला पद व गोपनीयतेची शपथ दिली. सोहळ्याचे पदग्रहण अधिकारी आशिष मेहता यांनी आपल्या मनोगतात नूतन चमूला शुभेच्छा देताना लायन्स क्लब संगमेश्वरने आजवर केलेल्या सामाजिक कार्याचा गौरव केला. *“संस्थेचे कार्य निरंतर आणि प्रभावी ठेवण्यासाठी नूतन ऊर्जेची आणि सक्षम नेतृत्वाची गरज असते, रविकांत शिंदे यांच्या रूपाने ती ऊर्जा क्लबला लाभली असून आगामी वर्षात हे सेवाभावी कार्य अधिक गतीने आणि व्यापक स्वरूपात तळागाळातील लोकांपर्यंत पोहोचेल,”* असा विश्वास त्यांनी व्यक्त केला.
तसेच, संगमेश्वर लायन्स क्लबचे संस्थापक अध्यक्ष व माजी प्रांतपाल एम.जे.एफ. लायन उदय लोध यांनी आपल्या चेहऱ्यावरील प्रसन्न आणि आपुलकीच्या हास्यस्मितासह नूतन कार्यकारिणीचे मनःपूर्वक कौतुक केले. *“लायन्स क्लब संगमेश्वरचा हा उपक्रम खरोखरच कौतुकास्पद आणि मनाला स्पर्श करणारा आहे,”* अशा शब्दांत त्यांनी या लोकोपयोगी कार्याची तोंडभरून कौतुक केली. त्यांच्या या खास शैलीतील कौतुकामुळे आणि हास्यस्मिताने उपस्थितांना तसेच नवनिर्वाचित पदाधिकाऱ्यांना सामाजिक कार्यात अधिक जोमाने काम करण्याचे मोठे आत्मबळ मिळाले.
सन २०२६-२७ च्या या नूतन वर्षामध्ये अध्यक्षपदाची धुरा रविकांत शिंदे यांच्याकडे सोपवण्यात आली असून, सचिव म्हणून अमोल पाटणे आणि खजिनदार म्हणून मनीष चोचे यांनी अधिकृत पणे आपला पदभार स्वीकारला. कार्यक्रमाचे यशस्वी यजमानपद सचिव मनीष चोचे, अध्यक्ष रविकांत शिंदे आणि खजिनदार सतीश पटेल यांनी अत्यंत चोख भूमिका बजावून सांभाळले.
पदभार अधिकृतपणे स्वीकारल्यानंतर नूतन अध्यक्ष रविकांत शिंदे यांनी उपस्थितांशी संवाद साधताना अत्यंत आक्रमक, भावूक आणि दिशादर्शक विचार मांडले. त्यांनी सांगितले की, *“संगमेश्वर आणि परिसरातील ग्रामीण, दुर्गम भागातील गरजू रुग्णांना दर्जेदार आरोग्य सेवा मोफत किंवा सवलतीच्या दरात पुरवणे, वंचित विद्यार्थ्यांच्या शिक्षणासाठी विविध नाविन्यपूर्ण उपक्रम राबवणे आणि पर्यावरण संवर्धनासाठी भरीव वृक्षारोपण व संवर्धन करणे हाच आमच्या नूतन कार्यकारिणीचा मुख्य संकल्प आहे.”* संगमेश्वर तालुक्यात लायन्स क्लबच्या माध्यमातून सामाजिक कार्याचा एक नवा आणि आदर्श वस्तुपाठ निर्माण केला जाईल, असा ठाम आणि आश्वासक विश्वास त्यांनी व्यक्त केला.
या सोहळ्याचे सर्वात मोठे आकर्षण ठरले ते म्हणजे, समाजातील गरजू, निराधार, अनाथ आणि वृद्ध व्यक्तींना मायेची ऊब देण्याच्या उदात्त हेतूने राबविण्यात येत असलेल्या “वस्त्रदान योजनेस” लायन्स क्लब संगमेश्वरने दिलेले भरीव सहकार्य! पदग्रहण सोहळ्याचे औचित्य साधून आयोजित केलेल्या या मानवतावादी उपक्रमाला क्लबचे सभासद, हितचिंतक आणि देणगीदारांनी अक्षरक्षा डोक्यावर घेतले आणि सोहळ्याला आलेल्या प्रत्येकाने दातृत्वाचा हात पुढे केला.
यावेळी उपस्थितांनी स्वतःच्या घरातील सुस्थितीत असलेले तसेच अगदी नवीन कपडे, ब्लॅंकेट, चादरी, शर्ट, पॅन्ट, साड्या, ड्रेस व इतर विविध उपयोगी वस्त्रांचा अक्षरशः पाऊस पाडला. संकलित करण्यात आलेली ही सर्व वस्त्रे लवकरच माहेर अनाथ व वृद्धाश्रम तसेच दुर्गम भागातील गरजू व वंचित घटकांपर्यंत सन्मानाने पोहोचविण्यात येणार आहेत. पदग्रहण अधिकारी आशिष मेहता आणि माजी प्रांतपाल उदय लोध यांनी लायन्स क्लब संगमेश्वरच्या या लोकोपयोगी उपक्रमाची तोंडभरून स्तुती करत कौतुक केले.
या मोहिमेला मोठे बळ देऊन समाजाप्रती आपले उत्तरदायित्व सिद्ध करणाऱ्या प्रमुख देणगीदारांमध्ये पिंट्याभाई सावंत, यशवंत सैतावडेकर, शंकर भिंगार्डे, विवेक शेरे, डॉ. अमोल भिंगार्डे, पंकज कोकाटे, महेश उपळकर, श्रीमती नेहा संसारे, जमूरत अलजी, मनीष चोचे, योगेश भिंगार्डे आणि अतुल भिंगार्डे या संगमेश्वरमधील नामांकित व दानशूर मान्यवरांचा मोलाचा सहभाग लाभला.
याप्रसंगी लायन्स क्लब संगमेश्वरच्या नवनिर्वाचित पदाधिकाऱ्यांनी भविष्यात केवळ वस्त्रदानच नव्हे, तर आरोग्य, शिक्षण, पर्यावरण आणि महिला सक्षमीकरण यांसारखे विविध समाजोपयोगी उपक्रम सातत्याने राबविण्याची ग्वाही दिली.
अत्यंत शिस्तबद्ध, भव्य आणि कौटुंबिक वातावरणात पार पडलेल्या या ऐतिहासिक सोहळ्याची सांगता राष्ट्रगीताने करण्यात आली. शेवटी उपस्थितांचे आभार प्रदर्शन योगेश भिंगार्डे यांनी मानले आणि त्यांच्या आभार प्रदर्शनाने कार्यक्रमाची यशस्वी सांगता झाली.
लायन्स क्लबच्या या पुढाकारामुळे परिसरात सेवाभाव आणि माणुसकीचा संदेश सर्वदूर पोहोचला असून, संपूर्ण संगमेश्वर तालुक्यातून या उपक्रमाचे आणि नूतन कार्यकारिणीच्या सामाजिक निर्धाराचे संपूर्ण जिल्ह्यामध्ये कौतुक करण्यात येत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
