संगमेश्वर वार्ताहर- ‘आशादीप महिला आधार मंच’ आणि ‘लेक लाडकी अभियान’ यांच्या संयुक्त विद्यमाने दिला जाणारा प्रतिष्ठित ‘डॉ. बाबासाहेब आंबेडकर संविधान अमृत महोत्सव गौरव पुरस्कार २०२६’ यंदा सामाजिक आणि शैक्षणिक क्षेत्रातील उल्लेखनीय कार्यासाठी संगमेश्वर (नावडी) येथील सौ. शितल दिनेश अंब्रे यांना जाहीर झाला आहे.
भारतीय संविधानाचा अमृत महोत्सव आणि भारतरत्न डॉ. बाबासाहेब आंबेडकर यांच्या जयंतीनिमित्त हा विशेष सन्मान प्रदान करण्यात येणार आहे. सौ. शितल ताई अंब्रे या संगमेश्वर येथील रामपेठ (नावडी) अंगणवाडीत गेल्या २६ वर्षांपासून मदतनीस म्हणून कार्यरत आहेत. यापूर्वी त्यांना जिल्हा परिषदेचा ‘आदर्श अंगणवाडी मदतनीस’ पुरस्कार आणि विश्व समता कला मंच, लोवले यांचा ‘आदर्श अंगणवाडी मदतनीस रत्न’ पुरस्कार देऊन गौरवण्यात आले आहे.
शैक्षणिक आणि सामाजिक क्षेत्रातील त्यांच्या निस्वार्थ कार्याची दखल घेऊन ही निवड करण्यात आली आहे. विशेषतः बाल विकास, वृक्षारोपण, बंधारे बांधणे, विहिरींची स्वच्छता, पर्यावरण आणि आरोग्य या क्षेत्रांत त्यांनी दिलेले योगदान मोलाचे आहे.तसेच कोरोनाच्या काळात त्यांची महत्वपूर्ण कामगिरी असून आदर्श मुंबई (पाक्षिक) तसेच महाराष्ट्र न्यूज 18, लायन्स क्लब संगमेश्वर व वर्ल्ड ह्यूमन राईट (मुंबई) यांनी सन्मानपत्र देवून सामाजिक कार्यकरती व आदर्श कोरोना योद्धा म्हणून सन २०२० मध्ये गौरव करण्यात आला होता तसेच साप्ताहिक पोलीस तपास (मीडिया मुंबई) यांनी सुद्धा प्रमाणपत्र देवून गौरविले होते.या सर्व कार्याची दखल घेत रविवार, दिनांक ३ मे २०२६ रोजी सायंकाळी ५:४५ वाजता महर्षी दयानंद महाविद्यालय (एम. डी. कॉलेज), परळ (पूर्व), मुंबई.येथे सौ. शितल अंब्रे यांना ‘डॉ. बाबासाहेब आंबेडकर संविधान अमृत महोत्सव गौरव पुरस्कार देण्यात येणार आहे.
या कार्यक्रमाचे आयोजन श्रीमती लता सारणकर (लेक लाडकी अभियान) आणि सौ. आशाताई संतोष भोईर (अध्यक्षा, आशादीप महिला आधार मंच) यांनी केले आहे. या पुरस्काराबद्दल सौ. शितल आंब्रे यांच्यावर नाभिक समाजासह जिल्हाभरातून अभिनंदनाचा वर्षाव होत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
