संगमेश्वर येथील सुप्रसिद्ध गणेश मूर्तिकार संदेश शिवलकर यांचे निधन…

Spread the love

संगमेश्वर (प्रतिनिधी – दिनेश अंब्रे): संगमेश्वर तालुक्यातील नावडी (पोस्ट आळी) येथील सुप्रसिद्ध गणेश मूर्तिकार श्री. संदेश मनोहर शिवलकर यांचे बुरंबी (तेरे) येथील राहत्या घरी हृदयविकाराच्या तीव्र झटक्याने निधन झाले. मृत्यूसमयी त्यांचे वय ६१ वर्षे होते.

राजकारण क्रीडा सामाजिक कार्यातील कुशल कार्यकर्ता गेल्याने समाजामध्ये हळहळ व्यक्त…

शिवलकर कुटुंब गणपती कारखाना हा संगमेश्वर मध्ये पूर्वापार चालत आलेला कारखाना होता. एक उत्तम मूर्तिकार म्हणून त्यांची ओळख होती. त्यांनी त्यांचा पूर्वापार चालत आलेला कारखाना पुढे सुंदर प्रकारे चालवला होता.संदेश शिवलकर यांनी केवळ एक कुशल मूर्तिकार म्हणूनच नव्हे, तर सामाजिक क्षेत्रातही आपली ओळख निर्माण केली होती. गेले अनेक वर्ष ते राजकारणात सक्रिय होते. नावडी ग्रामपंचायत मध्ये त्यांनी काम केले आहे. त्यांनी नावडी गावचे उपसरपंच म्हणून काम पाहिले होते. राजकारणामध्ये त्यांचा एक चांगला अनुभव होता. तसेच, अनेक वर्ष त्यांनी कबड्डी मध्ये चांगले काम केलेले आहे . तालुक्यात एक उत्तम कबड्डी खेळाडू आणि पंच म्हणूनही त्यांची मोठी ख्याती होती. त्यांच्या मनमिळाऊ आणि प्रेमळ स्वभावामुळे सर्वत्र हळहळ व्यक्त केली जात आहे.

त्यांच्या पश्चात पत्नी, मुलगा, तीन भाऊ , वहिनी आणि पुतण्या-पुतणी असा मोठा परिवार आहे. त्यांच्या निधनाने संगमेश्वर तालुक्यात एका हरहुन्नरी व्यक्तिमत्वाची पोकळी निर्माण झाली आहे.