साहित्य संमेलनाच्या प्रसिद्धी व प्रचार प्रमुख डॉ. सौ.शमिका चोरगे आणि साहित्य संमेलन स्मरणिकेच्या संपादिका सौ. अंजलीताई चोरगे यांच्याकडून कार्यक्रमात उपस्थित राहण्याचे आवाहन…
मांडकी /पालवण– कृषिभूषण डॉ.तानाजीराव चोरगे शिक्षण व संशोधन संस्थेच्या मांडकी पालवण येथील भव्य क्रीडांगणावर शासन पुरस्कृत, राज्यस्तरीय ग्रामीण,कृषी व सहकार साहित्य संमेलनाचे मंडप उभारणीचा उद्घाटन सोहळा आज गुरुवार दि.५.२.२०२६ रोजी सकाळी ११.०० वाजता संयोजन समितीचे अध्यक्ष श्री प्रकाशजी देशपांडे यांचे शुभहस्ते संपन्न झाला. सदर उद्घाटन सोहळ्याप्रसंगी साहित्य संमेलनाचे अध्यक्ष डॉक्टर तानाजीराव चोरगे,प्रमुख कार्यवाह डॉ. निखिल चोरगे, स्मरणिका छपाई समिती अध्यक्षा सौ. अंजली चोरगे,कोषाध्यक्ष श्री अजय चव्हाण, साहित्य संमेलनाच्या प्रसिद्धी व प्रचार समिती प्रमुख डॉ. शमिका चोरगे, संस्थेचे सचिव श्री मिलिंद सुर्वे, प्राचार्य डॉ.संकेत कदम,प्राचार्य सचिन तांबेकर व रावसाहेब सुर्वे उपस्थित होते.
कृषीभूषण डॉ.तानाजीराव चोरगे शिक्षण व संशोधन संस्थेअंतर्गत असलेल्या जिजामाता महिला कृषी महाविद्यालयाच्या प्राचार्या व साहित्य संमेलनाच्या प्रसिद्धी व प्रचार प्रमुख डॉ. सौ.शमिका चोरगे यांनी संस्थेच्या मांडकी पालवण येथील भव्य क्रीडांगणावर दि. १३,१४ व १५ फेब्रुवारी २०२६ रोजी संस्थेने आयोजित केलेल्या साहित्य संमेलनास ग्रामीण, कृषी व सहकार चळवळीतील सर्व कार्यकर्त्यांनी व साहित्यप्रेमींनी मोठ्या संख्येने उपस्थित राहावे असे आवाहन केले आहे.
कृषिभूषण डॉ. तानाजीराव चोरगे शिक्षण व संशोधन संस्था मांडकी पालवण,तालुका चिपळूण या संस्थेच्या संचालिका व साहित्य संमेलन स्मरणिकेच्या संपादिका सौ. अंजलीताई चोरगे यांनी दि. १३,१४ व १५ फेब्रुवारी २०२६ रोजी मांडकी पालवण येथे होणाऱ्या साहित्य संमेलनासाठी महाराष्ट्रातील तसेच रत्नागिरी जिल्ह्यातील ग्रामीण, कृषी व सहकार क्षेत्रातील सर्व साहित्य प्रेमींनी उपस्थित राहून विचारांचा आस्वाद घ्यावा असे आवाहन केले आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
