चिपळूण : ‘दाम दुप्पट’ परताव्याचे आमिष दाखवून हजारो गुंतवणूकदारांची करोडोंची फसवणूक केल्याच्या प्रकरणात टीडब्ल्यूजे (TWJ) कंपनी अडचणीत सापडली आहे. यवतमाळनंतर आता चिपळूणमध्येही गुन्हा दाखल झाल्याने कंपनीच्या अडचणी आणखीनच वाढल्या आहेत. आर्थिक गुन्हे अन्वेषण विभागाकडून (EOW) चिपळूण येथील टीडब्ल्यूजेच्या कार्यालयात सोमवारी तीन तास तपासणी करण्यात आली.
गेल्या पाच ते सहा वर्षांपासून टीडब्ल्यूजे कंपनीने ‘दुप्पट रक्कम परतावा’ या आमिषावर लोकांकडून मोठ्या प्रमाणात गुंतवणूक उभी केली होती. प्रारंभी थोडाफार परतावा दिला गेला, मात्र नंतर व्याज देणे बंद झाले आणि गुंतवणूकदारांचे पैसे अडकले.
वाचनालय, दवाखाना आणि सामाजिक प्रकल्पांच्या नावाखाली उभारलेले उपक्रमही आता ठप्प अवस्थेत आहेत, कारण या प्रकल्पांतील कर्मचाऱ्यांना पगार न मिळाल्याने ते बंद पडले आहेत. कंपनीचे संचालक समीर नार्वेकर यांनी सिंगापूरमधील गुंतवणुकीतून पैसे परत मिळतील, असे वारंवार सांगून गुंतवणूकदारांना वेळोवेळी आश्वासने दिली. १५ ऑगस्टपर्यंत पैसे मिळतील, असे त्यांनी आधी म्हटले होते, त्यानंतर पुन्हा एका व्हिडिओद्वारे “लवकरच पैसे परत मिळतील,” असे सांगण्यात आले. मात्र, आजवर कोणालाही पैसे मिळालेले नाहीत.
चिपळूणमधील गुहागर बायपास रोडवरील सुसज्ज कार्यालयही आता बंद असून, भाडे थकवल्यामुळे सोसायटीने ते कार्यालय ताब्यात घेतले आहे. गुंतवणूकदारांप्रमाणेच आता कंपनीच्याही अडचणी वाढल्या असून, गुंतवणुकीची रक्कम परत मिळेल की नाही, याबाबत साशंकता वाढत चालली आहे.
दरम्यान, आर्थिक गुन्हे शाखेकडून या प्रकरणाची चौकशी गतीने सुरू असून, सोमवारी तीन तास चाललेल्या तपासणीत नेमके काय निष्पन्न झाले, याबाबत अधिकृत माहिती देण्यात आलेली नाही.
संपूर्ण राज्यात ‘दामदुप्पट’ फॉर्म्युल्यावर सुरू असलेल्या या प्रकारामुळे गुंतवणूकदारांमध्ये चिंता वाढली असून, अशा योजनांकडे अधिक काळजीपूर्वक पाहण्याची गरज अधोरेखित झाली आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
