उरण : महाराष्ट्रात विविध आमिषे, प्रलोभने दाखवून नागरिकांची आर्थिक फसवणूक होण्याचे प्रकार वाढत आहेत. उरण तालुक्यातील सतीश गावंड चिटफंड घोटाळ्याच्या आठवणी ताज्या असतानाच आता उरण तालुक्यातील सोनारी गावात आणखी एक प्रचंड आर्थिक घोटाळा समोर आला आहे.
सोनारी गावातील अभिजीत दयानंद तांडेल व वेदक दयानंद तांडेल या सख्ख्या भावांनी “द सीक्रेट ट्रेडिंग स्कीम” नावाने शेअर मार्केट स्कीम चालवून शेकडो नागरिकांची अंदाजे चाळीस कोटी रुपयांहून अधिक फसवणूक केल्याचे उघड झाले आहे. या स्कीममध्ये पैसे गुंतवल्यास ८ ते १० टक्के नफा देण्याचे आमिष दाखवून नागरिकांना मोठ्या प्रमाणात गुंतवणूक करायला लावण्यात आले.
गावोगाव एजंट नेमून फसवणूक
या स्कीमची माहिती पोहोचवण्यासाठी त्यांनी सन्नी महेंद्र तांडेल (सोनारी), हरेश रसाळ (चिर्ले), अभिषेक अनिल ठाकूर (जसखार), मयुरेश ठाकूर (सावरखार) यांसारख्या व्यक्तींना एजंट म्हणून नेमले. एजंटनी गावोगाव फिरून लोकांकडून रोख, चेक आणि बँक व्यवहाराद्वारे पैसे गोळा केले. कोणी १५ लाख, तर कोणी ६७ लाख रुपये अशा विविध रकमा नागरिकांनी गुंतवल्या.
एफआयआर दाखल – आरोपी फरार
गुंतवणुकीचे पैसे परत मिळत नसल्याचे लक्षात येताच अनेक नागरिकांनी न्हावा शेवा पोलीस ठाण्यात धाव घेतली. यावरून अभिजीत तांडेल व वेदक तांडेल तसेच एजंटांविरोधात भारतीय न्याय संहिता (B.N.S) २०२३ च्या कलम ३१८(४), ३१६(२), ३(५) व महाराष्ट्र ठेवीदारांच्या वित्तीय हितसंबंधाचे संरक्षण अधिनियम १९९९ च्या कलम ३ नुसार गुन्हा दाखल करण्यात आला आहे. आरोपी सध्या फरार असून ते जामीन घेण्याच्या प्रयत्नात असल्याचे समजते.
पीडित नागरिकांनी न्यायालयाने आरोपींना जामीन न देण्याची आणि कठोर कारवाई करण्याची मागणी केली आहे. तसेच पोलीस प्रशासनाने या प्रकरणाचा सखोल तपास करून नागरिकांना न्याय द्यावा, अशी मागणी जोर धरू लागली आहे.
——————————————–
सोनारी गावात नागरिकांची आर्थिक फसवणूक झाल्याने आर्थिक फसवणूक करणाऱ्या व्यक्तीवर गुन्हा दाखल झाला आहे. संबंधित प्रकरणाचा योग्य पद्धतीने तपास सुरु आहे. जे दोषी असतील त्यांच्यावर कारवाई केली जाईल.
…..किशोर गायके, सहाय्यक पोलीस आयुक्त, न्हावा शेवा बंदर विभाग
——————————————–
सोनारी गावातील आर्थिक फसवणूक संदर्भात नागरिकांना न्याय देण्यासाठी पोलीस प्रशासनामार्फत तपास सुरु आहे. ज्यांची फसवणूक झाली त्यांना न्याय मिळवून देण्याचा आमचा प्रयत्न आहे .
…..दिपक सुर्वे, वरिष्ठ पोलीस निरीक्षक, न्हावा शेवा पोलीस स्टेशन
——————————————–
*सर्वोच्च न्यायालयाच्या मार्गदर्शक तत्वा नुसार तपास कार्य सुरु आहे. अभिजित तांडेल व वेदक तांडेल यांच्या विरोधात न्हावा शेवा पोलीस स्टेशन मध्ये गुन्हा दाखल झाला आहे. गुन्हा दाखल झाला असल्याने अभिजित तांडेल व वेदक तांडेल यांना कायदेशीर रित्या नोटीस पाठवली आहे. आतापर्यंत एकूण ९२ लाखाची फसवणूक झाल्याची तक्रार पोलीस स्टेशन मध्ये दाखल झाली आहे.कोणीही पैसे डबल करण्याचे किंवा जास्त नफा मिळवून देण्याचे कोणी आश्वासन,आमिष दाखवित असेल तर अशा गोष्टी पासून सर्वांनी लांब रहावे. अशा घटना पासून सावध रहावे कारण अशा जास्त नफेच्या व्यवहारातून आर्थिक फसवणूक होण्याची दाट शक्यता आहे. म्हणून पैशाच्या बाबतीत कोणतेही व्यवहार करताना नागरिकांनी व्यवहार जपून, विचार करून करावे.*
*…मनोज गुंड, सहाय्यक पोलीस निरीक्षक, न्हावा शेवा पोलीस स्टेशन*
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
