संगमेश्वर /अर्चिता कोकाटे- संगमेश्वर तालुक्यातील तेरे बुरंबी येथे राहणाऱ्या रहिवाशी श्रीमती शितल मोहन चव्हाण पूर्वाश्रमीच्या ललिता नवश्या चव्हाण ( साबळे ) यांचे मूळ गाव राजापूर तालुक्यातील कोंडे तड हे आहे.
राजापूर येथे कै. श्री मोहन राजाराम चव्हाण हे एका हॉटेल व्यवसायिकाकडे कामाला होते. त्यानंतर वडे व भजी असे पदार्थ करण्यास व्यवस्तीत शिकले व त्यांनी स्वतःच्या वडापावची गाडी टाकून व्यवसाय करून स्वावलंबी होण्याचे ठरवले व तसेच सासरे तेरे बुरंबी येथील नवशा चव्हाण यांच्याशी तसे बोलणी करून व परिवाराची राहायची व्यवस्था होते असे पाहून सदर व्यवसायाचा निर्णय पक्का केला.
संगमेश्वर बाजारपेठेत नावडी येथील पावटा मैदान मटन मार्केट येथे 2004 मध्ये हातगाडी काही वर्षांनी थाटून आपला व्यवसाय सुरू केला. पुढे पावटा मैदान येथे तेथील प्रतिष्ठित नागरिक श्री जयराज मनोहर उर्फ नाना सुर्वे यांनी सुर्वे कॉम्प्लेक्स बांधले.त्यामध्ये भाडेकरू म्हणून श्री स्वामी समर्थ हॉटेल थाटले एका गाळ्यातील या वडापाव मिसळ पदार्थ लोकांच्या पसंतीस आले व काही वर्षातच हा व्यवसाय वाढीस लागल्यामुळे समोरचा दुसरा गाळा घेतला व त्यामुळे ग्राहकांना बसण्याची व्यवस्था करून हॉटेल व्यवसायाचा वेल विस्तार वाढवला.
ग्राहकांशी प्रेमळ व मनमिळाऊ स्वभावामुळे हितसंबंध जपले. संसारात सर्व काही चांगले चालले असताना एक दिवस अचानक मोहन चव्हाण हे एक 21 नोव्हेंबर 2018 दिवस तापाने आजारी पडले व दुसऱ्या दिवशीच अल्पशा आजाराने देवा आज्ञा झाली.
काळाच्या पडद्याआड झालेले आपले पती कै श्री मोहन चव्हाण यांच्या अचानक झालेल्या मृत्यूने कुटुंबावर डोंगराएवढे संकट कोसळले होते. पदरात पाच मुले असताना श्रीमती शीतल यांच्या डोळ्यापुढे अंधारी आली.पतीच्या पश्चात पुढे संकटाला झेलत मुलींचे भवितव्य घडवण्यासाठी श्रीमती शीतल यांना त्यांचे आई वडील श्री नवशा व सौ. लीला चव्हाण यांनी तिला नवी उमेद दिली व आपल्या व्यवसायासाठी खंबीरपणे उभे राहण्याचा सल्ला दिला. हे मार्गदर्शन खूप मोलाचे ठरले व पुढे श्रीमती शीतल यांनी आपला हॉटेल व्यवसाय पुन्हा नव्या उमेदीने व स्फूर्तीने चालू केला यातूनच मुलींच्या शिक्षणाकडे पारदर्शकपणे लक्ष घातले. सध्या मोठी मुलगी मानसी ही बीएससी नर्सिंग जे शिक्षण घेत आहे तर दुसरी मुलगी मनाली ही बीएससी आयटी सावर्डे येथे उच्च शिक्षण घेत आहे. तिसरी कन्या मधुरा ही बीए चे शिक्षण लोवले येथे घेत आहे. चौथी श्रावणी कन्या ही इयत्ता नववी मध्ये सध्या सरकारी विद्यालयात शिक्षण घेत असून उत्तम कबड्डीपटू आहे. लांब उडी उंचउडी अशा विविध खेळांमध्ये तिने प्राविण्य मिळवले आहे. पाचवी कन्या सृष्टीही प्राथमिक शिक्षण गावांमधल्या शाळेत घेत आहे
सध्या मुलींच्या प्रगतीवर समाधान मानून शितल चव्हाण या पहाटे नेहमी चार वाजता उठून आपला संसाराचा एक चक्री गाडा चालवत आहेत. पतीची छाया हरवल्यानंतर व त्यांची माया व प्रेमाने पोरक्या झालेल्या परिवाराला मात्र महत्त्वाचा आधार मिळाला तो आई-वडिलांचा या एक कर्तव्यदक्ष स्त्री म्हणून सर्वांनाच हेवा वाटणाऱ्या श्रीमती शितलताई मोहन चव्हाण यांचा.
आपल्या जीवनात आपले नातेवाईक व हितचिंतक यांचे वेळोवेळी साथ मिळाल्याचे सांगतात तसेच कै. श्री मोहन चव्हाण यांनी आरंभी सुरुवात केलेल्या व सध्या प्रोप्रायटर म्हणून श्रीमती शितल मोहन चव्हाण या सांभाळीत असलेल्या श्री स्वामी समर्थ या हॉटेल व्यवसायात 21 वर्षे पूर्ण होत आहे म्हणूनच एका मन हेलकावून सोडणाऱ्या स्त्री जीवनावर आधारित शब्द प्रपंच अशा या शितलताई चव्हाण यांच्या कार्यास सलाम.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा
आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..
“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…
