*पॅरिस-* पॅरिस ऑलिम्पिकमध्ये मंगळवारी भारताला दुसरे पदक मिळाले. नेमबाज मनू भाकर आणि सरबजोत यांनी 10 मीटर पिस्तुल मिश्र स्पर्धेत कांस्यपदक पटकावले आहे. या जोडीने कोरियन संघाचा 16-10 असा पराभव केला.
*मनू-सरबजोत जोडीला कांस्य, पॅरिस ऑलिम्पिकमध्ये भारताचे दुसरे पदक…*
पॅरिस ऑलिम्पिकमध्ये भारताने दुसरे पदक जिंकले आहे. मनू आणि सरबजोत या भारतीय जोडीने 10 मीटर पिस्तूल मिश्र सांघिक स्पर्धेत कांस्यपदकाच्या लढतीत कोरियाचा 16-10 असा पराभव केला. मनू भाकरने पॅरिस गेम्सचे पहिले पदकही जिंकले होते. एकाच ऑलिम्पिक स्पर्धेत दोन पदके जिंकणारी ती पहिली भारतीय महिला ठरली आहे.
मनू भाकरने दोन दिवसांपूर्वी (28 जुलै) महिलांच्या 10 मीटर पिस्तुल स्पर्धेतही कांस्यपदक जिंकले होते. यासह ती एकाच ऑलिम्पिकमध्ये दोन पदके जिंकणारी पहिली भारतीय महिला ठरली आहे.
*नेमबाजीत भारताला 12 वर्षांनंतर दुहेरी पदक मिळाले.*
12 वर्षांनंतर ऑलिम्पिकच्या नेमबाजी स्पर्धेत भारताला दुहेरी पदके मिळाली आहेत. यापूर्वी 2012 च्या लंडन ऑलिम्पिकमध्ये गगन नारंग आणि विजय कुमार यांनी नेमबाजीत पदक जिंकले होते.
*नॉर्मन प्रिचर्ड यांनी 1900 च्या ऑलिम्पिकमध्ये 2 पदके जिंकली होती..*
मनूच्या आधी नॉर्मन प्रिचार्ड या इंग्लिश खेळाडूने ऑलिम्पिक स्पर्धेत 2 पदके जिंकली होती. 1900 च्या पॅरिस ऑलिम्पिकमध्ये त्याने 200 मीटर अडथळा आणि 200 मीटर शर्यतीत रौप्यपदक जिंकले. भारताचे हे ऑलिम्पिकमधील पहिले पदक ठरले. ते वादग्रस्त देखील होते, कारण तो नॉर्मन प्रिचर्ड या इंग्लिश ऍथलीटने जिंकला होते. त्यामुळे इंग्लंडचाही त्यावर दावा आहे.
*पदकतालिकेत भारत 25व्या क्रमांकावर*
या पदकासह भारत पदकतालिकेत 25 व्या स्थानावर आहे, तर जपानचा संघ प्रथम क्रमांकावर आहे.
