ठाणे : मालमत्ता कराच्या विक्रमी वसुलीचा ओघ कायम ठेवत ठाणे महापालिकेने आर्थिक वर्षाच्या पहिल्या ४० दिवसात १०० कोटी रुपयांची मालमत्ता कर वसुली केली आहे. तर दिवेकर नागरिकांना प्रामाणिकपणे 3.56 कोटी इतका विक्रमी करभरणा केला आहे. दिवेकरांच्या या प्रतिसादामुळे महापालिका आयुक्त श्री. अभिजीत बांगर यांनी प्रशंसा केली आहे.दरम्यान दिवेकर नागरिक प्रामाणिक असला तरी येथील बऱ्याच असुविधांना पैकी पाणी,आरोग्य,वाहतुक समस्या अश्यांना सामोरे जावे लागते असे येथील जनतेचे म्हणने आहे.
गेल्या आर्थिक वर्षात 722 कोटी रुपयांचा विक्रमी मालमत्ता कर गोळा केल्यानंतर ठाणे महानगरपालिकेने चालू (2023-24) आर्थिक वर्षाची देयके 01 एप्रिलपासून करदात्यांना पाठविण्यास सुरुवात केली होती.मोबाईल पाठविण्यात आलेल्या या संदेशाला नागरिकांनी उत्स्फुर्त प्रतिसाद दिला.
गेल्या वर्षीच्या तुलनेत दहापट वाढ
ठाणे शहरातून गेल्या वर्षी १० मेपर्यंत ११.४६ कोटी रुपयांचा कर भरणा महानगरपालिकेत झाला होता. या वर्षी ही रक्कम १००.८५ कोटींच्या घरात पोहोचली आहे. गेल्यावर्षीच्या तुलनेत दहा पट वाढ झाली आहे. तोच कल मालमत्ताधारकांच्या संख्येबाबतही आहे. गेल्या वर्षी या काळापर्यंत ६४१५ मालमत्ताधारकांनी कर भरला होता. ती संख्या यावेळी ७४ हजार ९०८ एवढी आहे.
ऑनलाईन कर भरणा सर्वाधिक
कर दात्यांपैकी ५१.२५ टक्के नागरिकांनी कर भरणा करण्यासाठी ऑनलाईन सुविधेचा लाभ घेतला आहे. तर, ३३ टक्के कर दात्यांनी धनादेशाद्वारे कर भरणा केला आहे. रोख रकमेने कर भरणा करण्याचे प्रमाण आता ८.८० टक्क्यांवर आले आहे. तसेच, सर्वाधिक ३६.१९ कोटी रुपयांचा कर भरणा माजीवडा –मानपाडा क्षेत्रात झाला आहे. तर सर्वात कमी २.५४ कोटी रुपयांचा कर भरणा मुंब्रा भागात आहे. त्या तुलनेत दिवा भागातून 3.56 कोटी इतका कर भरणा झाल्याचे दिसून येते. ऑनलाईन कर भरणा करण्यासाठी प्रोस्ताहन देतानाच ऑनलाईन कर भरणारे आणि ऑफलाईन कर भरणा करणारे यांच्याकडून प्रक्रियेबद्दलचा प्रतिसाद नोंदवून घ्यावा म्हणजे आपल्या यंत्रणेत तसे बदल करता येतील, अशा सूचना आयुक्त श्री. बांगर यांनी मालमत्ता कर विभागाचे उपायुक्त जी. जी. गोदेपुरे यांना दिल्या आहेत.
प्रभाग कार्यालयात संकलन केंद्रे
मालमत्ता कर भरण्यासाठी ठाणे महापालिकेच्या सर्व प्रभाग कार्यालयात संकलन केंद्रे सुरू करण्यात आलेली आहेत. मालमत्ताधारकांना या केंद्रांवर सोमवार ते शनिवार स. १०.०० ते सायं. ५.०० वा. या वेळेमध्ये मालमत्ता कर जमा करता येईल. त्याशिवाय, ऑनलाईन कर भरणा सुविधाही कार्यरत आहे.
सवलत
पहिल्या सहामाहीच्या मालमत्ता कराच्या सोबत दुसऱ्या सहामाहीचा कर एकत्रितपणे महापालिकेकडे जमा केल्यास कालावधीनिहाय दुसऱ्या सहामाहीच्या सामान्य करामध्ये करदात्यांना सवलत दिली जाते. १५ जूनपर्यंत १० टक्के, ३० जूनपर्यंत ०४ टक्के, ३१ जुलैपर्यंत ०३ टक्के आणि ३१ ऑगस्टपर्यंत कर भरणा केल्यास ०२ टक्के सवलत देण्यात येणार आहे.
तक्ता १
प्रभाग समिती कर भरणा (कोटी रुपयांमध्ये)
माजीवडा-मानपाडा – ३६.१९
वर्तक नगर – २५.५२
नौपाडा-कोपरी – १०.८५
उथळसर – ८.९६
लोकमान्य नगर-सावरकर नगर – ४.०५
कळवा – ३.२५
दिवा – ३.५६
वागळे इस्टेट – २.७२
मुंब्रा – २.५४
मुख्यालय – २.९९
