![](https://janshaktichadabav.com/wp-content/uploads/2023/09/FB_IMG_1695631708271.jpg)
बीड :- भाजप नेत्या पंकजा मुंडे यांच्या परळी येथील वैद्यनाथ सहकारी कारखान्यावर केंद्रिय जीएसटी आयुक्तालयाने सहा महिन्यांपूर्वी धाड टाकून काही कागदपत्रे तपासले होते. यामध्ये या कारखान्याने १९ कोटी रुपयांचा जीएसटी बुडवल्याचे स्पष्ट झाल्याने काल औरंगाबाद येथील जीएसटी आयुक्तालयाने या कारखान्याची १९ कोटी रुपयांची मालमत्ता जप्त केली आहे. या कारखान्याच्या चेअरमन पंकजा मुंडे आहेत.
केंद्रीय जीएसटी विभागाचे औरंगाबाद येथील आयुक्त कार्यालयाच्या पथकाने वारंवार वैद्यनाथ कारखान्याला जीएसटी कराबाबत नोटीसा दिल्या होत्या. या नोटीशीला प्रत्युत्तर न दिल्याने गेल्या सहा महिन्यांपूर्वी काही अधिकार्यांनी या कारखान्याला अचानक भेट देऊन काही कागदपत्रे हस्तगत केली होती. त्यामध्ये या कारखान्याने १९ कोटींचा जीएसटी बुडवल्याचे स्पष्ट झाल्याने पोलिस बंदोबस्तात कारखान्याचे बॉयलर हाऊस आणि इतर मशिनरी असे मिळून १९ कोटींची मालमत्ता जप्त केली आहे. या मालत्तेचा लिलाव करून हा कर वसूल करण्यात येणार असल्याचे समजते.