पाचल:- रत्नागिरी जिल्हा पोलीस दलाने गोवंश वाहतूक आणि कत्तलींविरोधात मोठी कारवाई केली आहे. स्थानिक गुन्हे अन्वेषण शाखेने अवैध मार्गाने गोवंश वाहतूक करणाऱ्या दोन आरोपींना अटक करून सुमारे १२ लाख रुपयांचा मुद्देमाल जप्त केला आहे.
मिळालेल्या माहितीनुसार, स्थानिक गुन्हे अन्वेषण शाखेचे पथक २२ सप्टेंबर रोजी लांजा उपविभागात गस्त घालत असताना, त्यांना राजापूर पोलीस ठाण्याच्या हद्दीतून पाचल ते जवळेथर रोडमार्गे गोवंश वाहतूक होणार असल्याची गुप्त माहिती मिळाली. या माहितीच्या आधारावर पथकाने पाचल येथे नाकाबंदी केली.
नाकाबंदीदरम्यान, पथकाने MH-08-AP-0254 क्रमांकाच्या टाटा कंपनीच्या गाडीला थांबवून तपासणी केली. गाडीच्या हौद्यामध्ये अत्यंत दाटीवाटीने आणि दोरीने बांधलेली १३ गोवंश जनावरे आढळून आली. त्यांना पाणी आणि चारा न देता, क्रूरपणे कत्तलीसाठी नेले जात होते.
पोलिसांनी गाडीच्या चालकाकडे चौकशी केली असता, त्याच्याकडे वाहतुकीचा कोणताही परवाना किंवा पशु-वैद्यकीय अधिकाऱ्याचे प्रमाणपत्र नव्हते. पोलिसांनी सलमान मुस्ताक बलबले (वय ३५, रा. राजापूर) आणि संजय दत्तराम पाटणकर (वय ४८, रा. राजापूर) या दोन आरोपींना ताब्यात घेतले. चौकशीत त्यांनी ही जनावरे तळगाव कोंडे येथील काजी मोहम्मद उर्फ पांड्या यांच्याकडून आणल्याचे सांगितले.
या प्रकरणी तिन्ही आरोपींविरुद्ध राजापूर पोलीस ठाण्यात गुन्हा दाखल करण्यात आला आहे. त्यांच्यावर प्राणी छळ प्रतिबंधक अधिनियम, महाराष्ट्र प्राणी संरक्षण अधिनियम, मोटार वाहन कायदा आणि भारतीय न्याय संहिता २०२३ च्या विविध कलमांखाली कारवाई करण्यात आली आहे.
या कारवाईत पोलिसांनी १३ गोवंश गुरांची सुटका केली असून, एक वाहन आणि इतर मुद्देमाल मिळून एकूण १२,०५,०००/- रुपयांचा मुद्देमाल जप्त केला आहे. या गुन्ह्याचा पुढील तपास सुरू असून, यात आणखी कोणाचा सहभाग आहे का, याचा पोलीस शोध घेत आहेत.
पोलीस अधीक्षक नितीन दत्तात्रय बगाटे आणि अपर पोलीस अधीक्षक बी.बी. महामुनी यांच्या मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक नितीन ढेरे यांच्या नेतृत्वाखाली स.पो.फौ. सुभाष भागणे, पो.हवा. नितीन डोमणे, पो.हवा. पालकर, पो.हवा. कदम आणि पो.हवा. प्रवीण खांबे यांनी ही यशस्वी कामगिरी केली.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
