🔯कर वसुलीत चिपळूण नगर परिषदेची अव्वल कामगिरी

Spread the love

⏩चिपळूण l 05 एप्रिल मार्च अखेरीस कर वसुलीत चिपळूण नगर परिषदेने १३ कोटी ६० लाख इतका कर वसूल करत अव्वल कामगिरी केली आहे. तसेच शासनाच्या सर्व अटींची पूर्तताही केली आहे. त्यामुळे निधी मिळण्याचा मार्गही सुकर झाला आहे. आतापर्यंत ७९ मालमत्ता जप्त करण्यात आल्या असून ११७ जणांचा पाणीपुरवठा खंडीत करण्यात आला आहे. ही धडक कारवाई एप्रिल महिन्यापर्यंत सुरू राहणार आहे.

⏩नगर परिषदेला घरपट्टी, इतर शासकीय कर तसेच घनकचरा व्यवस्थापन शुल्क असे मिळून २०२२-२३ मध्ये मागील थकबाकी धरून १६ कोटी इतका कर अपेक्षित होता. त्यापैकी ३१ मार्च अखेरपर्यंत १२ कोटी १० लाख इतका वसूल झाला आहे. पाणीपट्टी वसुलीत यावर्षी लक्षणीय वाढ झाली आहे. गतवर्षी केवळ ६० लाख रुपये इतकी वसुली झाली होती. यावर्षी तब्बल १ कोटी ५० लाखांपर्यंत पोहोचली आहे. यावर्षी किमान ७५ टक्के वसुली झाली नाही तर विकासनिधी न देण्यासह अधिकार्‍यांवर कारवाई करण्याचा इशारा शासनाने परिपत्रके काढून दिला होता.