संगमेश्वर :- मुंबई-गोवा महामार्गावरील संगनेश्वरनजीक धामणी येथे कंटेनर आणि डंपर यांच्यात आज मंगळवारी दुपारी भीषण अपघात झाला. या अपघातामध्ये तिघेजण जखमी झाले आहेत. यातील एकाची प्रकृती चिंताजनक आहे.
पोलिसांनी दिलेल्या माहितीनुसार, या अपघातात महंमद अजमुद्दिन अन्सारी असे गंभीर जखमी झाल्याचे नाव असून, सोलू सखाराम गौतम आणि महम्मद याकूब हे किरकोळ जखमी झाले आहेत. सोनू सखाराम गौतम हा कंटेनर घेऊन मुंबईहून गोव्याकडे जात होता. तसेच डंपर चालक महंमद अन्सारी हा धामणीकडे खडी घेऊन जात हाेता. धामणीदरम्यान कंटेनर आणि डंपर यांच्यात अपघात झाला. या अपघातानंतर डंपर रस्त्याच्या बाजूला खोल दरीत कोसळला. या अपघाताची माहिती मिळताच ग्रामस्थांनी घटनास्थळी धाव घेऊन मदत कार्य केले. जखमींना तात्काळ संगमेश्वर येथील ग्रामीण रुग्णालयात उपचारासाठी दाखल करण्यात आले.अपघाताची माहिती कळताच संगमेश्वर पोलिसांनी घटनास्थळी धाव घेतली.
जाहिरात
