रत्नागिरी : रत्नागिरी शहरातील छत्रपतीनगर येथे कडी कोयंडा उचकटुन चोरट्यांनी बंद बंगला फोडुन चोरी केली. यामध्ये सुमारे १४ तोळे सोन्याचे दागिने आणि ४० हजारांची रोकड असा चालु दराप्रमाणे सुमारे १७ लाख ५१ हजार रुपयांचा मुद्देमाल चोरट्यांनी पळविला. अज्ञात
चोरट्याविरुद्ध शहर पोलीस ठाण्यात गुन्हा दाखल करण्यात आला आहे .
पोलिसांनी दिलेल्या माहितीनुसार, फिर्यादी हसीना अन्वर काझी (वय ६०, रा. छत्रपतीनगर, समर्थ मठ, साळवी स्टॉप, रत्नागिरी) यांचा छत्रपती नगर येथील आगाशे मॉलच्या मागच्या बाजूला व अरमान बिल्डिंग समोर हा बंगला आहे. या बंगल्यात चोरी झाल्याचे मंगळवारी (दि. ७) उघड झाले. चोरट्यांनी दरवाजाचा कडी कोयंडा उचकटुन ही चोरी करुन पोबारा केला. शेजारी राहणाऱ्या नातेवाईकांना सकाळी घर उघडे दिसले. त्यामुळे त्यांना संशय आला व त्यांनी फोन करून घर मालक हसीना काझी व त्यांच्या नातेवाईकांना बोलावून घेतले. ते सर्वजण आल्यावर त्यांना एवढी मोठी चोरी झाल्याचे पाहून धक्काच बसला. त्यांनी तातडीने रत्नागिरी शहर पोलीस ठाण्यात फोन करून खबर दिली. तातडीने पोलिसांचे एक पथक घटनास्थळी दाखल झाले. दरम्यान फॉरेन्सिक टीमनेही ज्या कपाटातुन दागिने व रक्कम गेली त्या ठिकाणाची पाहणी केली. चोरट्यांनी सोन्याचे मंगळसूत्र, अंगठ्या, चेन, बांगड्या, कानातले आणि रोख रक्कम ४० हजार असा ऐवज चोरून नेला.
हसीना काझी यांनी याबाबत शहर पोलीस ठाण्यात रितसर तक्रार दाखल केली असून पोलिसांनी अज्ञात चोरट्याविरोधात भा.दं.वि. कायदा कलम ३०५ (ए), ३३१ (४) अन्वये गुन्हा दाखल केला आहे. अधिक तपास पो.नि. शिंदे करीत आहेत.
याचवेळी तेथे असणारा दुसरा बंगलाही फोडण्याचा प्रयत्न करण्यात आला. मात्र हा बंगला फोडण्यात चोरट्यांना यश आले नाही. शहरातील रमेश नगर येथे बंगला फोडण्याचा अयशस्वी प्रयत्न झाला. मात्र येथून कोणतीही वस्तू गेलेली नाही.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
