महाराष्ट्राचे उपमुख्यमंत्री आणि राष्ट्रवादी काँग्रेसचे ज्येष्ठ नेते अजित पवार यांच्यासह एकूण पाच जणांचा विमान अपघातात मृत्यू झाला. या अपघातात आपले कर्तव्य बजावत असलेले त्यांचे अंगरक्षक आणि कळवा-विटावा परिसरातील रहिवासी विदीप जाधव यांचाही अंत झाला.
ठाणे : महाराष्ट्राचे उपमुख्यमंत्री आणि राष्ट्रवादी काँग्रेसचे ज्येष्ठ नेते अजित पवार यांच्यासह एकूण पाच जणांचा विमान अपघातात मृत्यू झाला. या अपघातात आपले कर्तव्य बजावत असलेले त्यांचे अंगरक्षक आणि कळवा-विटावा परिसरातील रहिवासी विदीप जाधव यांचाही अंत झाला. अपघाताच्या काही क्षणांपूर्वी अजित पवारांसोबत विमानात बसलेला एक फोटो त्यांनी पत्नीला पाठवला होता. अभिमान आणि कुतूहलाने पत्नीने तो फोटो शेजाऱ्यांना शेअर केला पण, तो त्यांचा अखेरचा फोटो ठरला.
राज्यामध्ये पंचायत समित्या आणि जिल्हा परिषद निवडणुकीसाठी रणधुमाळी सुरू आहे. या निवडणुकीच्या पार्श्वभूमीवर अजित पवार यांचा बुधवारी सकाळी बारामती येथे येत होते. बारामतीमध्ये विमान लाँडिंग होत असतानाच, विमानाचा अपघात झाला. या विमानात अजित पवार, विदीप जाधव (अंगरक्षक), सुमित कपूर (पायलट कॅप्टन), संभवी पाठक (कॅप्टन) आणि पिंकी माळी (फ्लाईट अटेंडंट) हे प्रवास करत होते. या सर्वांचा मृत्यु झाला. विदीप जाधव हे मुंबई पोलिस दलात कार्यरत होते. ते २००९ च्या बॅचचे होते. ते गेल्या काही वर्षांपासून अजित पवार यांचे अंगरक्षक म्हणून काम करीत होते.
ठाणे येथील कळवा परिसरातील विटावामधील सुर्यानगर परिसरातील साई कृष्ण विहार इमारत ते राहत होते. त्यांच्या पश्चात आई-वडील, पत्नी संध्या, मुलगी नेत्रा (१३) आणि मुलगा अद्विक (९) असा परिवार आहे. ते मूळचे सातारा जिल्ह्यातील रहिवासी होते. विदीप जाधव यांच्या निधनाची बातमी समजताच त्यांच्या कुटुंबीयांवर शोककळा पसरली असून कुटुंबीय बारामतीत गेले. त्यांच्या निधनाचे वृत्त समजताच परिसरातील नागरिकांकडून हळहळ व्यक्त होत असून त्यांच्या शेजाऱ्यांनीही काही आठवणी यावेळी पत्रकारांशी बोलताना सांगितल्या.
विदीप जाधव यांच्या घरासमोरच ऋषी पाटील यांचे घर आहे. त्याने विदीप यांच्याविषयी अनेक आठवणी सांगितल्या. आमच मामा-भाचे असे नात होते. मी महाविद्यालयात शिकत असून ते मला नेहमी पोलिस दलात भरती होण्यासाठी प्रोत्साहीत करायचे आणि मार्गदर्शन करायचे. त्यांना ॲक्शन वेबसिरीज पाहण्याची आवड होती. वेळ मिळाला की ते वेबसिरीज पाहायचे आणि मलाही ते आवर्जुन बघायला सांगायचे. ते अजित पवार यांचे अंगरक्षक होते. पण, कधी त्यांना त्याचा गर्व नव्हता. बुधवारी सकाळी कामावर जाताना ते मला भेटले. ही आमची शेवटची भेट ठरली. त्यांनी अपघाताच्या काही क्षणांपूर्वी अजित पवार यांच्यासोबत विमानात बसलेला एक फोटो पत्नीला पाठवला होता. अभिमान आणि कुतूहलाने त्यांच्या पत्नीने हा फोटो आम्हाला पाठविला. पण, तो त्यांचा अखेरचा फोटो ठरला, अशी भावना ऋषीने व्यक्त केली.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
