संगमेश्वर : दिनेश अंब्रे- संगमेश्वर तालुका नाभिक समाज संघाची मासिक सर्वसाधारण सभा नुकतीच तेऱ्ये-बुरंबी येथील श्री. सतिष नामदेव पवार यांच्या निवासस्थानी उत्साहात पार पडली. अभिजीत चव्हाण यांच्या अध्यक्षतेखाली सकाळी ११ वाजता ही सभा संपन्न झाली.
सभेची सुरुवात सल्लागार प्रकाश पवार, माजी अध्यक्ष परशुराम चव्हाण आणि वैभव भोसले यांच्या हस्ते दीपप्रज्वलनाने झाली. त्यानंतर संघाचे अध्यक्ष अभिजित चव्हाण यांनी श्री संत सेना महाराज यांच्या प्रतिमेला पुष्पहार अर्पण केला. उपस्थित पदाधिकाऱ्यांचे स्वागत उमेश पवार, सतिष पवार आणि संतोष यादव यांनी पुष्पगुच्छ देऊन केले. सभेच्या सुरुवातीला दिवंगत समाजबांधवांना श्रद्धांजली वाहण्यात आली.
मान्यवरांचा गौरव:
याप्रसंगी स्थानिक महिला श्रीमती सुलोचना पवार, सुनिता पवार आणि सौ. मधुरा सतिष पवार यांचा श्रीफळ व पुष्पगुच्छ देऊन ज्येष्ठ कार्यकर्त्यांच्या हस्ते सन्मान करण्यात आला. तसेच, सामाजिक कार्यकर्ता समन्वय समितीवर कोकण उपाध्यक्ष म्हणून निवड झाल्याबद्दल ‘समाज भूषण’ श्री. दिनेश हरिभाऊ अंब्रे यांचा विशेष सत्कार अध्यक्ष अभिजित चव्हाण व संतोष यादव यांच्या हस्ते करण्यात आला.
महत्त्वाचे विषय आणि चर्चा:
सभेमध्ये श्री संत सेना महाराज पुण्यतिथी उत्सवाचा जमाखर्च अहवाल सादर करण्यात आला आणि त्यावर सविस्तर चर्चा झाली. यासोबतच, समाजाची जनगणना करणे आणि त्याबाबतचे फॉर्म भरून घेणे यांसारख्या संघटनात्मक विषयांवरही चर्चा विनिमय करण्यात आला.
या सभेला उपाध्यक्ष सतिश पवार, खजिनदार संदीप अंब्रे, सदस्य विनोद पवार, सदस्य दीपक पवार, सुनील भोसले, उमेश पवार यांच्यासह माखजन,निवे, मुरडव, तूरळ, देवरुख, फुणगुस, संगमेश्वर, पांगरी आदी भागांतून समाजबांधव मोठ्या संख्येने उपस्थित होते. सभेचे आभार प्रदर्शन दिनेश अंब्रे यांनी केले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
