संगमेश्वर दिनेश अंब्रे- तेरे ब्राह्मण वाडी बुरंबी येथील सुपुत्र सैनिक श्री प्रथमेश प्रताप बाईत हे लष्करी विभागात दिल्ली राष्ट्रपती भवन येथे लान्स नाईक MSP रनर म्हणून कार्यरत आहेत.
संगमेश्वर तालुक्यातील बुरंबी येथे राहणाऱ्या सैनिक श्री प्रथमेश यांचा सामाजिक कार्यकर्त्या सौ. अर्चिता राहुल कोकाटे यांनी शाल, श्रीफळ व पुष्पगुच्छ देऊन सन्मान केला.
अर्चिता यांनी सांगितले की सैनिक हे देशाचा अभिमान असतात आणि त्यांच्या पत्नी सौ श्रावणी प्रथमेश बाईत यांचा त्यांना पूर्ण पाठिंबा असल्यामुळेच तसेच त्यांची आई वडील व आजोबा यांचे त्यांना पाठबळ असल्यामुळे ते एवढे लष्करी विभागात आपली सेवा ठामपणे बजावत आहेत.
सगळ्यात कठीण कार्य ते म्हणजे लष्करी विभागातले असते. आज आपण जे सुखी आहोत ते निव्वळ लष्करी विभागातील या धैर्यवान सैनिकांमुळेच आहोत.
प्रथमेश यांनी बोलताना सांगितले की आपल्या कोकण विभागातून खूप कमी मुले सैनिक दलामध्ये सामील होत आहेत. त्यामुळे पालकांना मी असे आवाहन करतो की तुम्ही देशाच्या सेवेसाठी आपल्या मुलांना तयार करा व जास्तीत जास्त संख्येने देश सेवा करण्यासाठी मुलांना पाठवा. त्यांनी बोलताना आवर्जून सांगितले की आज सात महिला लष्करी विभागात अधिकारी म्हणून आत्ताच कार्यरत झालेल्या आहेत. महिलांना सुद्धा या विभागांमध्ये वेगवेगळ्या पदावर सेवा करता येते.
प्रथमेश यांचे आजोबा श्री हनुमंत बाईत हे देखील माजी सैनिक आहेत. त्यांच्याकडूनच बालपणापासून लष्करी विभागात जाण्याचे स्वप्न त्यांनी उरी बाळगले. त्यांचे प्राथमिक आणि माध्यमिक शिक्षण बुरंबी येथील सरफरे हायस्कूल ला पूर्ण झाले.त्यानंतर त्यांनी परीक्षा देऊन लष्करी विभागामध्ये सेवेला सुरुवात केली.
लष्करी विभागामध्ये कार्यरत झाल्यानंतर प्रथम दीड वर्ष लेह लदाख येथे कामगिरी बजावली.त्यानंतर राजस्थान बिकानेर येथे आर्मी कमांडर म्हणून कामगिरी केली. तेथून NCC ट्रेनिंग साठी सिकंदराबाद येथे ते गेले व पुन्हा देहरादून ला येऊन ” स्पेशल फायरिंग ” ट्रेनिंग त्यांनी घेतले आणि पुन्हा बिकानेर येथे येऊन कार्यरत झाले. सध्या दिल्ली येथील राष्ट्रपती भवन येथे सिक्युरिटी सेवा ते बजावत आहेत.
लष्करी विभागामध्ये जमिनीवरील लष्कर सेवा, नौदल सेवा, हवाई सेवा अशा प्रकारच्या सेवा असतात.
सैनिकांचे कार्य हे महान असते. देशप्रेम, देशसेवा, रात्रंदिवस सेवा बजावणे, थंडी, ऊन, पाऊस यांची तमा न बाळगता सरहद्दीवर ड्युटी करीत असतात.
सैनिक देशाचे संरक्षण तर करतात म्हणजेच काय तर देशातील प्रत्येक नागरिकाचे आज जे रक्षण होत आहे ते त्यांच्यामुळेच होत आहे.आज वाढणाऱ्या नैसर्गिक आपत्ती, दहशतवाद, अतिरेकी घुसखोरी, होणारे अपघात आणि वाढत्या लोकसंख्येमुळे येणाऱ्या आपत्तीचे व्यवस्थापन करण्यासाठी सध्य घडीला लष्करी विभागातील सैनिकच प्रत्येक ठिकाणी आणि प्रत्येक वेळेला धावत येतो.
सैनिक हे देशाचे अभिमान आहेत त्यामुळे त्यांना सन्मानपूर्वक वागणुकी दिली गेली पाहिजे. या कार्यक्रमाच्या वेळी ” अमृता ग्रुपच्या ” सविता हळदकर, जानवी चिचकर, सानिका कदम, सुप्रिया कदम, पायल नागवेकर, मानसी पालकर, गायत्री मयेकर, आयेशा मयेकर, अर्पिता शेरे याही उपस्थित होत्या.त्या सर्वांनी प्रथमेश यांना भावी सेवेसाठी शुभेच्छा दिल्या.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
