*संगमेश्वर:* खेड तालुक्यातील खोपी (तांबड) येथील कणेरी मठ (कोल्हापूर) अंतर्गत असलेल्या सिद्धगिरी आनंदाश्रम गुरुकुलातील २० विद्यार्थ्यांना संगमेश्वर येथील प्रसिद्ध सामाजिक कार्यकर्ते श्री. दिनेश हरीभाऊ अंब्रे यांच्या वतीने खाऊ वाटप करण्यात आले.
गेली तीन वर्षे श्री. अंब्रे सातत्याने या गुरुकुलाला भेट देऊन मुलांची विचारपूस करत असतात. यावर्षीही त्यांनी गुरुकुलात जाऊन बालकांशी संवाद साधला, ज्यामुळे मुलांच्या चेहऱ्यावरचा आनंद द्विगुणित झाला. यावेळी त्यांनी उपस्थित विद्यार्थ्यांना सैनिक, शेतकरी आणि शिक्षणाचे महत्त्व पटवून दिले. तसेच, संस्कारमय जीवन जगून नैतिक मूल्यांचे जतन करण्याचे प्रतिपादन त्यांनी केले.
गुरुकुलातील कार्यक्रमानंतर त्यांनी लक्ष्मीनगर कातकरी वाडी या आदिवासी पाड्यावर जाऊन तेथील बालकांनाही खाऊचे वाटप केले. यावेळी त्यांनी व्यायाम आणि खेळाचे मानवी जीवनातील महत्त्व विषद केले. या प्रसंगी खोपी-लक्ष्मीनगर येथील प्रतिष्ठित नागरिक गुणेश कदम आणि आनंदाश्रमाचे व्यवस्थापक संतोष रामचंद्र शिंदे उपस्थित होते. कार्यक्रमाच्या शेवटी व्यवस्थापक संतोष शिंदे यांनी गुरुकुलाच्या वतीने मान्यवरांचे आभार मानले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
