शिवसैनिकांचा विजयी जल्लोष; सागर तांदळे यांची कोंडगाव बाजारपेठेतून काढली विजयी मिरवणूक…
साखरपा- संगमेश्वर तालुक्यातील कोंडगाव पंचायत समिती गणात शिवसेना ठाकरे गटाच्या सागर तांदळे यांचा करिष्मा पहावयास मिळाला असून त्यांनी माजी सभापती जया माने यांचा पराभव केला आहे. एका नवख्या उमेदवाराने माजी सभापती राहिलेल्या जया माने यांचा पराभव केल्याने त्यांच्या या विजयाची कोंडगावसह साखरपा परिसरात जोरदार चर्चा आहे.
सागर तांदळे हा सामान्य कुटुंबातील तरूण असून माजी सभापती जया माने अशा मुरलेल्या मुरब्बी राजकारण्याला भुईसपाट करणे ही त्याच्यासारख्या सामान्य कार्यकर्त्याला कठीण गोष्ट असतानाही जनतेचा कौल आणि वडील कै. पिंट्या तांदळे आणि माजी राज्यमंत्री रवींद्र माने यांच्या आशीर्वादाने प्रचंड मतांनी निवडून आले. त्यांच्या या विजयाने जनतेच्या मनात काय असू शकतं हे समोर आले आहे. त्यांच्या या विजयाबद्दल माजी राज्यमंत्री रवींद्र माने यांनी म्हटले की, सागर तांदळेचा विजय हा त्याचे वडील कै. पिंट्या तांदळे यांना श्रद्धांजली आहे. दरम्यान, कोंडगाव बाजारपेठेतून सागर तांदळे यांची कार्यकर्त्यांनी मोठ्या जल्लोषात विजयी मिरवणूक काढली.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
