रत्नागिरी: शुक्रवारी सकाळी बाळ माने यांनी पालकमंत्री उदय सामंत यांच्यावर केलेल्या टीकेला सडेतोड प्रत्युत्तर देण्यासाठी आज सायंकाळी आयोजित पत्रकार परिषदेत बिपीन बंदरकर यांनी हा घणाघाती पलटवार केला. माने यांचा सर्व रोख केवळ चर्चेत राहण्यासाठी असून, यापुढे अशी टीका केल्यास ‘जशास तसे’ उत्तर दिले जाईल, शिवसेना शहर प्रमुख बिपीन बंदरकर यांनी सांगितले.
शुक्रवारी सकाळी शिवसेना (उबाठा) उपनेते बाळ माने यांनी पत्रकार परिषद घेत, “रत्नागिरीला माझ्यासारख्या ‘सिंघम’ची गरज आहे,” असे वक्तव्य करीत मंत्री उदय सामंत यांच्या कार्यपद्धतीवर जोरदार टीकास्त्र सोडले होते.
माने यांच्या या ‘सिंघम’ वक्तव्याची सायंकाळ होताच बिपीन बंदरकर यांनी पत्रकार परिषदेत खिल्ली उडवली. अत्यंत आक्रमक आणि आवेशात बोलताना बंदरकर म्हणाले, “बाळ माने स्वतःला सिंघम म्हणवून घेत आहेत, पण ते सिंघम नसून जनतेने चार वेळा नाकारलेले, थुकलेले चिंगम आहेत. केवळ पालकमंत्री उदय सामंत यांच्यावर टीका करण्याशिवाय त्यांना दुसरे कोणतेही काम उरलेले नाही.”
पालकमंत्री उदय सामंत यांची बाजू उचलून धरताना बंदरकर म्हणाले, “राज्याचे उद्योगमंत्री उदयजी सामंत हे फक्त रत्नागिरीपुरते मर्यादित नेते नाहीत, तर ते राज्यातील आघाडीच्या फळीतील नेते आहेत. मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्या स्तरावर आज त्यांचे नाव घेतले जाते. त्यांनी केवळ रत्नागिरीतच नव्हे, तर संपूर्ण महाराष्ट्रात आपल्या कार्याचा ठसा उमटवला आहे.”
“एवढ्या मोठ्या नेत्यावर टीका केली की आपले नाव चर्चेत राहते, हे बाळ माने यांनी ओळखले आहे,” असा टोला लगावताना बंदरकर म्हणाले, “उदय सामंतांवर टीका केली, तरच लोक आपल्याकडे लक्ष देतील आणि आपले राजकीय अस्तित्व टिकेल, यासाठीच त्यांचा हा केविलवाणा प्रयत्न सुरू आहे.”
यापुढे अशी टीका सहन केली जाणार नाही, असा इशारा देत बंदरकर म्हणाले, “बाळ माने यांनी यापुढे अशी बिनबुडाची टीका केल्यास, त्यांना जशास तसे उत्तर दिले जाईल.”
या पत्रकार परिषदेला शिवसेना जिल्हाप्रमुख राहुल पंडित, तालुकाप्रमुख बंड्या साळवी, उपजिल्हाप्रमुख संजय साळवी, विधानसभा क्षेत्रप्रमुख सुदेश मयेकर, बाबू म्हाप यांच्यासह शिवसेनेचे प्रमुख पदाधिकारी मोठ्या संख्येने उपस्थित होते. या पलटवारामुळे रत्नागिरीतील राजकीय वातावरण चांगलेच तापले आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
*🎤 जनशक्तीचा दबाव न्यूज..*
*➤ (RNI NO. MAHMAR/2014/59698)*
*➤ भारत सरकारमान्य रजिस्टर न्यूजपेपर*
▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️
*अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी https://chat.whatsapp.com/Fz2GJdNzxjp7ru6fTzARHp?mode=ems_copy_t कम्युनिटी लिंक मध्ये सामील व्हा*
*आपल्याला प्रतिनिधी बनायचे असल्यास , बातम्या पाठवायच्या असल्यास किंवा आपल्यावर अन्याय होत असल्यास आम्ही आपल्या पाठीशी उभे राहू आम्हाला 8928622416 मोबाईल नंबर वर कॉन्टॅक्ट करा व माहिती द्या..*
*“जनशक्तीचा दबाव न्यूज”च्या बातम्या मिळविण्यासाठी 7400104268 आणि 8928622416 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.*
*मराठी बातम्या, ब्रेकिंग न्यूज मराठीत सर्वात आधी janshakticha dabav वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट janshaktichadabav.com वर नक्कीच व्हिजिट करा…*
