✒️ जनशक्तीचा दबाव न्यूज
🛑 रत्नागिरी | जानेवारी ३०, २०२३.
◼️ येथील गोगटे जोगळेकर महाविद्यालयात प्रतिवर्षी महाविद्यालयाचे माजी प्राचार्य, रसायनशास्त्र विभागाचे माजी विभागप्रमुख, विद्यार्थीप्रिय शिक्षक आणि उत्तम प्रशासक कै. वि. के. बावडेकर यांच्या स्मृतीदिनानिमित्त विज्ञान व्याख्यानमाला आयोजित केली जाते. यावर्षी दि. ३१ जानेवारी २०२३ रोजी दु. ३.०० वाजता नगराध्यक्ष रंगमंच, राधाबाई शेट्ये सभागृह गोगटे जोगळेकर महाविद्यालय, रत्नागिरी येथे व्याख्यानमाला होणार आहे.
◼️ व्याख्यानमालेचे हे २७ वे वर्ष असून प्रोफेसर ऑफ केमिकल इंजिनिअरिंग आय.सी.टी. (यु.डी.सी.टी.) मुंबईचे डॉ. व्ही. व्ही. महाजनी ‘हरित रसायनशास्त्र- माझे आकलन’ या विषयावर व्याख्यान देणार आहेत. हरित रसायनशास्त्राकडे ‘शाश्वत रसायनशास्त्र म्हणून राहिले जाते पुनर्वापर, पुनरुत्पादन आणि कमी वापर हे त्रिसूत्र हरितरसायनशास्त्र मोठ्या प्रमाणात वापरले जाते. या क्षेत्रातील संशोधनामध्ये काळानुरूप भर पडत आहे. त्यातूनच पर्यावरणपूरक विकासाचा नवा आयामही साधता येत आहे. यातील संशोधनाचे अनेक पैलू डॉ. महाजनी व्याख्यानादरम्यान उलगडून सांगतील.
◼️ कार्यक्रमाचे अध्यक्षस्थान संस्थेच्या कार्याध्यक्षा शिल्पाताई पटवर्धन भूषविणार आहेत. या कार्यक्रमास शहरातील विज्ञानप्रेमी नागरिकांनी आवर्जुन उपस्थित राहण्याचे आवाहन प्रभारी प्राचार्य डॉ. प्रफुल्लदत्त कुलकर्णी यांनी केले आहे.
