NZ vs ENG : वर्ल्ड कपच्या पहिल्याच सामन्यात न्यूझीलंडने इंग्लंडची धुलाई केल्याचे पाहायला मिळाले. इंग्लंडने या सामन्यात विजय मिळवत पराभवाचा बदला व्याजासकट घेतला आहे.
अहमादाबाद- वर्ल्ड कपच्या पहिल्याच सामन्यात न्यूझीलंडने इंग्लंडवर ९ विकेट्स राखून दणदणीत विजय मिळवला. या विजयासह न्यूझीलंडने गेल्या वर्ल्ड कपच्या अंतिम सामन्यातील पराभवाचा बदला घेतला आहे. या सामन्यात न्यूझीलंडच्या डेव्हॉन कॉनवेने दीड शतक तर राचिन रवींद्रने शतकी खेळी साकारली आणि इंग्लंडवर विजय मिळवण्यात मोलाचा वाटा उचलला.
इंग्लंडच्या २८३ धावांचा पाठलाग करताना न्यूझीलंडने धडाकेबाज फटकेबाजी करत सामना रंगवला. न्यूझीलंडचा सलामीवीर विल यंग हा शून्यावर बाद झाला. त्यावेळी इंग्लंड या सामन्यावर पकड मजबूत करेल, असे वाटत होते. पण त्यावेळी डेव्हॉन कॉनवे आणि राचिन रवींद्र यांनी इंग्लंडच्या गोलंदाजीवर जोरदार प्रहार केला. या दोघांच्या फलंदाजीला इंग्लंडच्या गोलंदाजांना रोखता आले नाही. या दोघांनी दुसऱ्या विकेटसाठी अभेद्य २७२ धावांची भागीदारी रचली. यावेळी कॉनवेने इंग्लंडच्या गोलंदाजीचा चांगलाच समाचार घेतला. कॉनवेने यावेळी १२१ चेंडूंत १९ चौकार आणि तीन षटकारांच्या जोरावर नाबाद १५२ धावांची धमाकेदार खेळी साकारली. रिचनने त्याला यावेळी चांगली साथ दिली. रिचनने यावेळी ९६ चेंडूंत ११ चौकार आणि पाच षटकारांच्या जोरावर १२३ धावांची दमदार खेळी साकारली. त्यामुळेच न्यूझीलंडला यावेळी ९ विकेट्स राखत दमदार विजय साकारता आला. राचिनने यावेळी शतकी खेळी साकारली आणि एक बळीही मिळवला. त्यामुळे त्यालाच सामनावीराचा पुरस्कार देण्यात आला.
वर्ल्ड कप २०२३ च्या पहिल्याच सामन्यात इंग्लंडनं रचला इतिहास
या सामन्यात न्यूझीलंडने टॉस जिंकला आणि त्यांनी इंग्लंडला प्रथम फलंदाजीसाठी निमंत्रित केले. इंग्लंडच्या संघाने फलंदाजी करायला सुरुवात केली पण न्यूझीलंडच्या गोलंदाजीसमोर त्यांचा निभाव काही लागत नव्हता. पण यावेळी जो रूट हा इंग्लंडच्या मदतीला धावून आला. कारण रूटने यावेळी न्यूझीलंडच्या गोलंदाजीचा समाचार घ्यायला सुरुवात केली आणि आपले अर्धशतकही झळकावले. रुटने यावेळी इंग्लंडच्या धावसंख्येला चांगला आकार दिला. रूटने यावेळी ४ चौकार आणि एका षटकाराच्या जोरावर ७७ धावांची खेळी साकारली. रूटच्या या खेळीच्या जोरावर इंग्लंडला प्रथम फलंदाजी करताना ९ बाद २८२ धावा करता आल्या. न्यूझीलंडपुढे हे आव्हान सोपे असल्याचे पाहायला मिळत होते.
