संगमेश्वर दिनेश अंब्रे – 28 फेब्रुवारी हा भारतात दरवर्षी ” राष्ट्रीय विज्ञान दिन” म्हणून साजरा केला जातो.28 फेब्रुवारी 1928 रोजी भारतीय भौतिकशास्त्रज्ञ सर सी व्ही रमण यांनी ” रमन इफेक्ट ” या शोधनिबंधाची घोषणा केली.
यासाठी त्यांना 1930 मध्ये नोबेल पारितोषिक मिळाले.
वैज्ञानिक जागरूकता वाढवणे, विज्ञानाचे महत्त्व सांगणे आणि तरुण पिढीला संशोधनासाठी प्रेरित करणे यासाठी हा दिन प्रशालेमध्ये साजरा केला जातो.
या ही वर्षी प्रशालेमध्ये संस्थेचे सचिव माननीय श्री धनंजय शेट्ये सर यांच्या हस्ते प्रथम डॉक्टर सी. व्ही. रमण यांच्या प्रतिमेस पुष्पहार अर्पण करण्यात आला. तसेच रत्नागिरी जिल्हा विज्ञान मंडळ यांच्याकडून आयोजित केलेल्या विज्ञान रंजन स्पर्धेमद्ये यश प्राप्त केलेल्या विद्यार्थ्यांना गौरविण्यात आले.
संगमेश्वर तालुक्यामध्ये पैसा फंड इंग्लिश स्कूलचा इयत्ता नववीतील विद्यार्थी कुमार ऋषभ विश्वनाथ नरबेकर याचा तालुक्यामध्ये पाचवा क्रमांक आला. संस्थेचे सचिव श्री धनंजय शेट्ये सर यांच्या हस्ते त्याला जिल्हा विज्ञान मंडळ तर्फे विज्ञान रंजन परीक्षेत प्राप्त झालेले सन्मानचिन्ह प्रशस्तीपत्रक आणि गोल्ड मेडल देऊन गौरविण्यात आले.
ऋषभ नरबेकर, क्रिषा इंदानी, कन्हैया गुरव या विद्यार्थ्यांना गोल्ड मेडल व प्रशस्तीपत्रक तसेच बाईत तन्मय, गायत्री मयेकर, गगन शिंदे या विद्यार्थ्यांना सिल्वर मेडल व प्रशस्तीपत्रक आणि प्रथमेश शेट्ये, स्वामिनी डोंगरे आणि विजय टकले यांना ब्रॉन्ज मेडल आणि प्रशस्तीपत्रक प्राप्त झाले. त्या सर्वांचे कौतुक करण्यासाठी प्रशालेचे मुख्याध्यापक माननीय खामकर सर, पर्यवेक्षक दळवी सर सर्व शिक्षक बंधू भगिनी, सर्व विज्ञान शिक्षक उपस्थित होते.
आजच्या या दिवसाचे औचित्य साधून इयत्ता अकरावीतील विद्यार्थिनी पायल गुरव हिने राष्ट्रीय विज्ञान दिनाचे महत्त्व आपल्या शब्दांमध्ये विद्यार्थ्यांना पटवून दिले आणि हा दिवस किती महत्त्वाचा आहे आणि भविष्यामध्ये वैज्ञानिक दृष्टिकोनातून आपण कार्य करत राहिलो तर पुढे कशा पद्धतीने यश संपादन करता येते याचीही माहिती दिली.
प्रशालेत या वैज्ञानिक दृष्टिकोनातून कार्य केल्यास नक्कीच भविष्यामध्ये एखादा वैज्ञानिक आपल्या प्रशालेतून घडावा यासाठी संस्थेचे सचिव माननीय धनंजय शेट्ये सर यांनी शुभेच्छा व्यक्त केल्या.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
