मोहाली- मोहालीत आज बुधवारी मुंबई इंडियन्सने ईशान किशन आणि सूर्यकुमार यादव यांच्या अर्धशतकी खेळीच्या जोरावर पंजाब किंग्जला धुळ चारत रोमहर्षक विजय मिळवला आहे.
विजयासाठी मुंबईला २१५ धावांचे लक्ष्य मिळाले होते, जे त्यांनी ७ चेंडू आणि ६ विकेट्स राखून गाठले. युवा तिलक वर्मा याने विजयी षटकार मारून मुंबईला विजय मिळवून दिला. त्याआधी ईशान किशन आणि सूर्यकुमार यादव यांनी संघासाठी मोठी भागीदारी केली होती. पंजाबसाठी लियाम लिविंगस्टोन याने मोठी खेळी केली होती, मात्र ही खेळी पंजाबला विजय मिळवून देऊ शकली नाही.
