संगमेश्वर/ वार्ताहर- संगमेश्वर तालुका मराठी अध्यापक संघ आणि शिक्षण विभाग पंचायत समिती देवरुख तालुका संगमेश्वर, जिल्हा रत्नागिरी आयोजित अभिवाचन आणि निबंध स्पर्धा 2025 मध्ये पैसा फंड इंग्लिश स्कूल संगमेश्वरच्या क्रिशा कपील इंदानी इयत्ता आठवी हिने माध्यमिक गटात तालुकास्तरावर द्वितीय क्रमांक प्राप्त केला.
ही स्पर्धा कळंबस्ते येथील गार्डी विद्यालयात मंगळवारी संपन्न झाली.यामध्ये क्रिशा ने संत ज्ञानेश्वर यांच्यावर निबंध लेखन केले होते. क्रिशा इंदानी ने या स्पर्धेत द्वितीय क्रमांक प्राप्त केल्याबद्दल तिचे ज्येष्ठ पत्रकार वहाब दळवी आणि सामाजिक कार्यकर्ते व कायदा साथी श्री दिनेश आंब्रे यांनी शालेय वस्तू देऊन कौतुक केले व तिच्या पुढील यशासाठी शुभेच्छा व्यक्त केल्या.
यावेळी संस्थेचे सचिव श्री धनंजय शेट्ये सर, मुख्याध्यापक श्री खामकर सर, पर्यवेक्षक श्री दळवी सर, मार्गदर्शक शिक्षक श्री ढोरलेकर सर उपस्थित होते. या सर्वांचे श्री दिनेश आंब्रे व वहाब दळवी यांनी अभिनंदन केले.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
