कोलकाता- विराट कोहलीच्या 49व्या शतकाच्या जोरावर भारताने दक्षिण आफ्रिकेला विश्वचषक जिंकण्यासाठी 327 धावांचे लक्ष्य दिले आहे. कोलकातामध्ये नाणेफेक जिंकून फलंदाजी करताना संघाने 50 षटकांत 5 गडी गमावून 326 धावा केल्या.
विराट कोहलीने 121 चेंडूत 101 धावांची शतकी खेळी केली. त्याने सचिन तेंडुलकरच्या वनडेत सर्वाधिक शतकांच्या विश्वविक्रमाची बरोबरी केली आहे. कोहली आपल्या वाढदिवशी विश्वचषकात शतक झळकावणारा भारताचा पहिला आणि जगातील 7वा फलंदाज ठरला आहे.
येथे पाहा भारत विरुद्ध दक्षिण आफ्रिका सामन्याचे स्कोअर कार्ड..
विराट सर्वात वेगवान 49 शतके करणारा फलंदाज
विराट कोहली हा सर्वात जलद 49 एकदिवसीय शतके पूर्ण करणारा फलंदाज आहे. 277 व्या डावात त्याने हे यश संपादन केले आहे. सचिन तेंडुलकरने 451 डावात इतकी शतके झळकावली होती.
भारत-दक्षिण आफ्रिका सामन्यातील काही रंजक तथ्य..
रोहित शर्मा (16 षटकार) हा ब्रेंडन मॅक्युलम (17) नंतर वर्ल्ड कप पॉवरप्लेमध्ये सर्वाधिक षटकार मारणारा खेळाडू ठरला आहे.
रोहितने एकदिवसीय आंतरराष्ट्रीय क्रिकेटमध्ये एका कॅलेंडर वर्षात सर्वाधिक षटकार मारण्याच्या विक्रमाची बरोबरी केली. त्याने या वर्षात आतापर्यंत 58 षटकार ठोकले आहेत. एबी डिव्हिलियर्सने 2015 मध्ये 58 षटकार मारले होते.
रोहित शर्माला कागिसो रबाडाने सर्व आंतरराष्ट्रीय फॉरमॅटमध्ये सर्वाधिक 12 वेळा बाद केले. त्याच्यानंतर टीम सौदी 11 वेळा बाद झाली.
रोहित-गिलने झंझावाती सुरुवात केली, पॉवरप्लेमध्ये भारत 91/1
पॉवरप्लेच्या सुरुवातीच्या षटकांमध्ये भारतीय कर्णधार रोहित शर्मा आणि शुभमन गिल यांनी स्फोटक फलंदाजी केली. या दोघांनी दक्षिण आफ्रिकेच्या गोलंदाजांवर सतत दबाव कायम ठेवला. रोहित-गिल जोडीने 5 षटकांत 61 धावा केल्या होत्या. 62 धावांवर संघाने कर्णधार रोहित शर्माची विकेट गमावली. येथे रोहित 24 चेंडूत 40 धावा करून बाद झाला. त्याला कॅगिसो रबाडाने कर्णधार टेंबा बावुमाच्या हाती झेलबाद केले.
रोहित बाद झाल्यानंतर गिल-कोहलीने धावा काढण्याची जबाबदारी घेतली आणि पॉवरप्लेमध्ये धावसंख्या 90 च्या पुढे नेली. भारतीय संघाने पहिल्या 10 षटकात एक विकेट गमावून 91 धावा केल्या.
दोन्ही संघांचे प्लेइंग-11
भारत: रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), सूर्यकुमार यादव, रवींद्र जडेजा, कुलदीप यादव, जसप्रीत बुमराह, मोहम्मद शमी आणि मोहम्मद सिराज.
दक्षिण आफ्रिका : टेम्बा बावुमा (कर्णधार), क्विंटन डी कॉक, रॅसी व्हॅन डर डुसेन, एडन मार्कराम, हेनरिक क्लासेन, डेव्हिड मिलर, मार्को जॅन्सन, केशव महाराज, लुंगी एनगिडी, कागिसो रबाडा, तबरेज शम्सी.
या स्पर्धेतील भारत हा एकमेव अपराजित संघ आहे, ज्याने 7 पैकी 7 सामने जिंकले आहेत. दुसरीकडे, दक्षिण आफ्रिकेने 7 पैकी 6 सामने जिंकले आहेत आणि फक्त एकच गमावला आहे.
भारत दक्षिण आफ्रिकेवर विजयाची हॅट्ट्रिक करू शकतो.
1992च्या एकदिवसीय विश्वचषकात भारत आणि दक्षिण आफ्रिका संघ पहिल्यांदा आमनेसामने आले, तेव्हा भारताचा पराभव झाला. तेव्हापासून 2011 पर्यंत विश्वचषकात दोघेही तीनदा आमनेसामने आले, तिन्ही सामने दक्षिण आफ्रिकेने जिंकले. तर 2015 आणि 2019 मध्ये दोघेही 2 सामन्यांत आमनेसामने आले आणि प्रत्येक वेळी टीम इंडिया जिंकली. म्हणजेच आजचा सामना जिंकल्यानंतर टीम इंडिया या स्पर्धेत दक्षिण आफ्रिकेवर विजयाची हॅट्ट्रिक साधणार आहे.
हेड-टू-हेडमध्ये दक्षिण आफ्रिकेचे वर्चस्व
एकदिवसीय क्रिकेटमध्ये दोन्ही संघांमध्ये 90 सामने खेळले गेले. भारताने 37 मध्ये आणि दक्षिण आफ्रिकेने 50 मध्ये विजय मिळवला. तीन सामन्यांचाही निकाल लागला नाही. गेल्या वर्षी ऑक्टोबरमध्ये दोघांची भारतात शेवटची टक्कर झाली होती. भारताने ती 3 सामन्यांची मालिका 2-1 अशी जिंकली.
संस्मरणीय सामना
2011च्या विश्वचषकात चॅम्पियन ठरलेल्या भारतीय संघाला ग्रुप स्टेजमध्ये केवळ एकच सामना गमवावा लागला होता. दक्षिण आफ्रिकेनेच भारताचा पराभव केला. नागपुरात साऊथ आफ्रिकेने ग्रुप स्टेज मॅच 3 गडी राखून जिंकली. या सामन्यात सचिन तेंडुलकरने आपले 48 वे एकदिवसीय शतक झळकावले, हे त्याच्या विश्वचषक कारकिर्दीतील सहावे शतक होते.
या ब्लॉकबस्टर सामन्यापूर्वी भारताला मोठा धक्का बसला आहे. टीम इंडियाचा स्टार अष्टपैलू आणि उपकर्णधार हार्दिक पंड्या दुखापतीमुळे वर्ल्ड कपमधून बाहेर आहे. 19 ऑक्टोबर रोजी पुण्यात बांगलादेशविरुद्ध खेळल्या गेलेल्या सामन्यात घोट्याला दुखापत झाली होती. यानंतर तो एकही सामना खेळला नाही. त्याच्या जागी वेगवान गोलंदाज प्रसिद्ध कृष्णाचा संघात समावेश करण्यात आला आहे.
भारतीय खेळाडूंचा जबरदस्त फॉर्म कायम
यजमान भारत संपूर्ण स्पर्धेत जबरदस्त फॉर्मात आहे. संघाचे फलंदाज असो की गोलंदाज, प्रत्येकजण मैदानावर आपले 100 टक्के देत आहे. संपूर्ण स्पर्धेत संघाचे क्षेत्ररक्षण उत्कृष्ट राहिले. विराट कोहलीने 7 सामन्यांत संघासाठी सर्वाधिक 442 धावा केल्या आहेत. तर वेगवान गोलंदाज जसप्रीत बुमराह 15 विकेट्स घेऊन संघाचा सर्वाधिक बळी घेणारा गोलंदाज आहे.
