देवगड तालुक्यातील पुरळ गावात शुक्रवारी रात्री राहत्या घरासमोरील गॅलरीत थेट बिबट्याने घुसून त्या आवारात असणा-या कुत्र्यावर हल्ला करुन कुत्र्याला घेऊन गेला.बातमीने पुरळ गावात भीतीचे वातावरण निर्माण झाली. थेट भरवस्तीत बिबट्या घुसल्याने वनविभागाने तातडीने बिबट्याला जेरबंद करावे अशी मागणी नागरीकांकडून केली येत आहे.
पुरळ येथील शैलेश मराठे यांच्या घरासमोरील गॅलरीत दोन कुत्रे बांधून ठेवलेले होते. शुक्रवारी (दि. २२) रात्री थेट बिबट्याने घरातील गॅलरीत उडी मारून कुत्र्यावर हल्ला करत त्याला घेऊन गेला. या दरम्यान दुसरा कुत्र्यावरही हल्ला करण्याचा प्रयत्न त्याने केला, मात्र तो कसा बसा बचावला. आतापर्यंत पडेल आणि पुरळ परिसरातील सहा पाळीव कुत्र्यांना भक्ष्य केलं आहे. यामुळे भर वस्तीत घुसून बिबटया शिकार करत असल्याचे अनेक वेळा घडत असल्याने रात्रीचे फिरणेही नागरीकांचे धोक्याचे झाले आहे.तर सायंकाळी आणि रात्रीच्या वेळी ग्रामस्थांच्या हा बिबट्या नजरेस पडत असल्याने लहान ते वयोवृद्ध व्यक्तीच्या मनात घबराट निर्माण झाली आहे. याबाबत बिबट्याने कुत्र्यावर हल्ला करून नेताताचा सिसिटिव्ही फुटेज हाती लागल्याने थेट घटना कॅमेर्‍यात कैद झाली आहे.
