संगमेश्वर/ दिनेश अंब्रे – 19 फेब्रुवारी शिवजयंती निमित्त छत्रपती शिवाजी महाराज यांच्या जयंतीनिमित्त पैसा फंड इंग्लिश स्कूलमध्ये पदयात्रेचे आयोजन केलेले होते. यामध्ये श्री छत्रपती शिवाजी महाराज, जिजा माता, येसूबाई, त्यांचे मावळे अशा पद्धतीने ढोल ताशांच्या गजरात लेझीमच्या नृत्य सोबत भव्य मिरवणूक काढण्यात आली.
यामध्ये सर्व विद्यार्थी आणि सर्व शिक्षक वृंद यांनी उत्साहाने सहभाग घेतला. ढोल ताशाच्या गजरामध्ये लेझीम नृत्या वरती संपूर्ण बाजारपेठेतून मिरवणूक काढण्यात आली.यामध्ये मुलांनी उत्कृष्ट असे लेझीमचे नृत्य सादर केले. शिक्षकांनी सुद्धा शिवजयंती निमित्त छत्रपती शिवाजी महाराजांच्या आठवणी जागृत करण्यासाठी त्यांना लेझीम नृत्यातून वंदन केले.
संपूर्ण बाजारपेठेतील लोकांनी अत्यंत उत्साही वातावरणाने या मिरवणुकीचे स्वागत केले . विद्यार्थ्यांनी जय भवानी जय शिवाजी, हर हर महादेव, छत्रपती शिवाजी महाराज की जय अशा घोषणा देऊन आसमंत दुमदुमून टाकले.
छत्रपती शिवाजी महाराज आणि छत्रपती संभाजी महाराजांच्या पदस्पर्शाने पावन झालेल्या संगमेश्वर भूमीमध्ये अशा पद्धतीने मिरवणुकीचे आयोजन केले त्यासाठी संपूर्ण संगमेश्वर ग्रामस्थांकडून शिक्षकांचे व विद्यार्थ्यांचे कौतुक होत आहे.
संगमेश्वरच्या नावडी येथे सोनवी नदीच्या घाटावरती शिक्षक आणि विद्यार्थ्यांनी छत्रपती संभाजी महाराजांच्या आठवणी जागृत करून त्यांना वंदन करण्यासाठी आपल्या लेझीम नृत्यातून मानवंदना दिली .
पैसाफंड संस्थेचे अध्यक्ष अनिल शेठ शेट्ये, सचिव धनंजय शेट्ये सर, सदस्य संदीप शेठ सुर्वे, रमेश शेठ झगडे मुख्याध्यापक खामकर सर यांच्या मार्गदर्शनाखाली मिरवणुकीचे आयोजन करण्यात आले. सर्व स्तरातून विद्यार्थी व शिक्षक वृंद, शिक्षकेत्तर कर्मचारी यांचे कौतुक होत आहे.
🟧🟨🟩🟦🟪🟫⬛️⬜️🟥🟧🟨🟩🟦🟪🟫⬛️🟥
🎤 जनशक्तीचा दबाव न्यूज..
➤ (RNI NO. MAHMAR/2014/59698)
➤ भारत सरकारमान्य रजिस्टर न्यूजपेपर
