गीतेनुसार भगवान श्रीकृष्णाने आनंदी राहण्यासाठी काही मूलभूत मंत्र दिले आहेत, ज्याचा अवलंब केल्याने माणूस नेहमी सकारात्मक आणि आनंदी राहतो….
श्रीमद्भगवद्गीता हा हिंदू धर्मातील एक महत्त्वाचा धार्मिक ग्रंथ आहे, जो अर्जुनाचे अज्ञान आणि शंका दूर करण्यासाठी भगवान कृष्णाने दिलेला उपदेश आहे. हे शास्त्र मनुष्याला ध्यान आणि आध्यात्मिक जीवनाचा मार्ग दाखवण्यात मदत करते. भगवदगीता ही १८ अध्यायांमध्ये विभागलेले आहे आणि त्यात एकूण ७०० श्लोक आहेत. गीतेमध्ये ज्ञान, कृती आणि भक्ती या तत्त्वांचे वर्णन केले आहे. त्यानुसार, एखाद्या व्यक्तीने कोणत्याही फळाची अपेक्षा न धरता आपली कृती पूर्ण निष्ठेने केली पाहिजे. भागवत गीतेनुसार भगवान श्रीकृष्णाने आनंदी राहण्यासाठी काही मूलभूत मंत्र दिले आहेत, ज्याचा अवलंब केल्याने माणूस नेहमी सकारात्मक राहतो. यासोबतच त्याचे जीवन आनंदात व्यतीत होते. चला तर, जाणून घेऊया असेच काही मूल मंत्र, ज्याचा अवलंब करून तुम्ही जगातील सर्वात आनंदी व्यक्ती बनू शकता.
गोष्टी बदलणे…
आयुष्यात जे काही बदलता येईल ते बदला, असे भागवत गीतेत सांगितले आहे. यामुळे तुमच्या मनाला शांती मिळेल आणि मानसिक संतुलन उत्तम राहून माणूस नेहमी आनंदी राहील. त्यामुळे ज्या गोष्टीमुळे तुमचे नुकसान होत आहे, ती बदलणे योग्य आहे.
स्वीकारायला शिका…
भगवद्गीतेत श्रीकृष्णाने सांगितले आहे की, जे बदलता येत नाही ते स्वीकारले पाहिजे. याच्या मदतीने माणूस आपले जीवन आनंदाने जगू शकतो. आनंदी राहण्याचा मूळ मंत्र म्हणजे, जे काही तुमच्या नियंत्रणाबाहेर आहे ते आवर्जून करणे. त्याचे फळ देवावर सोडले पाहिजे, कारण वेळेआधी कुणालाच काहीही मिळालेले नाही. तुमच्या नशिबात जे काही लिहिले आहे, त्यापेक्षा जास्त तुम्हाला काही मिळत नाही. सुख असो वा दु:ख, इतकंच घ्यावं लागतं म्हणून मनात समाधान कायम ठेवा. यामुळे तुम्हाला कधीही त्रास होणार नाही.
दुःख सांगू नका…
गीतेच्या प्रवचनात श्रीकृष्णाने सांगितले की, माणसाने प्रत्येक परिस्थितीत आनंदी राहावे. आतून दु:खाने आणि वेदनांनी भरलेले असले तरी, आपले दुःख दुसऱ्याला कधीही दिसू देऊ नये. यामुळे तुमच्या समस्या वाढू शकतात. यामुळे तुमच्या आजूबाजूचे वातावरणही नकारात्मक होऊ शकते, त्यामुळे नेहमी आनंदी राहा. अत्यंत कठीण प्रसंगांचेही आनंदात रूपांतर होऊ शकते.
व्यायाम करा…
श्रीकृष्णाने सांगितले आहे की, आनंदी राहण्यासाठी लोकांशी नेहमी सौहार्दपूर्ण संबंध ठेवा. तुमच्या गोष्टी शक्य तितक्या कमी शेअर करा. याशिवाय मानसिक ताण कमी करण्यासाठी रोज सकाळी उठल्यावर व्यायाम करा. व्यायामामुळे तुमच्या दैनंदिन दिनचर्येत खूप बदल होईल आणि हे तुमच्या यशाच्या दिशेने एक मोठे पाऊल असू शकते.
खोटे बोलू नका..
गीतेच्या शिकवणीनुसार, जो कधीही खोटे बोलत नाही, तो माणूस नेहमी आनंदी असतो. कारण, त्याला कशाचीही भीती नसते, म्हणून नेहमी सत्याच्या मार्गावर चालण्याचा प्रयत्न करा, जो सत्य बोलतो तो नेहमी आनंदी असतो.
