नवी दिल्लीः सायबर सेलमध्ये रोज फ्रॉड होत असल्याच्या घटना उघडकीस येत आहेत. बँकिंग असो की डिजिटल पेमेंट संबंधित फ्रॉड. Statistica च्या एका रिपोर्ट्नुसार, २०२१ मध्ये ऑनलाइन बँकिंग फ्रॉड संबंधित भारतात ४.८ हजारांहून जास्त केसेस समोर आले आहेत. लोकसभेत मंत्र्यांकडून शेअर करण्यात आलेल्या RBI च्या एका अन्य रिपोर्टनुसार, कार्ड इंटरनेट एटीएम डेबिट कार्ड क्रेडिट कार्ड आणि बँकिंग संबंधित अनेक फ्रॉड रिपोर्ट करण्यात आले आहेत. भारतात हे फ्रॉड २०२१ ते २०२२ मध्ये जवळपास १२८ कोटी रुपयाचे झाले होते.
फ्रॉडस्टर्स रोज फ्रॉड करण्यासाठी नवीन नवीन पद्धत शोधतात. लोकांची पैसे चोरतात. यात एक आहे फिशिंग एसएमएस. यात लोकांना एसएमएस द्वारे फसवले जाते. लोकांच्या फोनवर एसएमएस येतो. ज्यात बँक अकाउंटची माहिती किंवा केवायसी किंवा पॅन अपटेड करण्याच्या नावाखाली फसवणूक केली जाते. मेसेज मध्ये लिंक दिली जाते. या लिंकवर क्लिक केल्यास बँक अकाउंटमधील पैसे रिकामे केले जावू शकते.
या लिंकवर क्लिक केल्यास तुमच्या फोनचा अॅक्सेस दुसऱ्या व्यक्तींना मिळतो. त्यामुळे तुमचे बँक अकाउंट खाली होते. पीडित व्यक्तीचे सर्व पैसे गायब केले जाते. ट्विटरवर एका यूजरने ट्विटला शेअर केले आहे. ज्यात एसएमएस द्वारे केवायसी अपडेट करण्यास सांगितले होते. मेसेज असा होता. “Dear customer your HDFC account will be hold today please update your KYC immediately click here”.
या ट्विटवर HDFC बँकेने रिप्लाय करताना सांगितले की, अशा कोणत्याही मेसेजवर यूजरने कधीही क्लिक करू नये. अशा मेसेजवर रिप्लाय सुद्धा करू नका. ज्यात पॅनकार्ड किंवा केवायसी किंवा अन्य बँकिंगची माहिती मागितली जाते. एचडीएफसी बँक नेहमी आपल्या अधिकृत आयडीवरून मेसेज पाठवते. त्याच ट्विटमध्ये HDFC बँकेने लिहिले की, बँक कधीच तुमच्या बँकिंग डिटेल्स OTP, UPI पिन, कस्टमर ID, पासवर्ड, ATM कार्ड, CVV आदीची माहिती मागत नाही.
काय आहे SMS फिशिंग लिंक, आणि कसं राहाल यापासून दूर
- सर्वात पहिले ओटीपी, बँक डिटेल्स, मोबाइल नंबर, किंवा अशा प्रकारची माहिती एसएमएसवर शेअर करू नका.
- नेहमी UPI साठी स्ट्राँग पासवर्ड ठेवा. इंटरनेट बँकिंग आणि मोबाइल फोनला पासवर्ड ठेवा. आपला पासवर्ड वेळोवेळी बदला.
- कोणताही असा एसएमएस आल्यास बँक मॅनेजरला रिपोर्ट करा.
- ऑनलाइन बँकिंगसाठी टू-फॅक्टर ऑथेंटिफिकेशनला एनेबल करा. याने कोणतेही अकाउंट अॅक्सेस केल्यास त्याला पासवर्ड टाकावे लागेल किंवा ओटीपी टाकावे लागेल.
- तुम्ही बायोमॅट्रिक्स सारख्या फिंगरप्रिंट्स किंवा सेकंड पासवर्ड ठेवू शकता.
- जर वर सारखा एसएमएस आल्यास किंवा त्यात लिंक असल्यास त्याला चुकूनही क्लिक करू नका.
- जाहिरात :
