उत्तर कोकणात पावसाचा जोर,
रत्नागिरी ; रत्नागिरी जिल्ह्यात पावसाने जोर धरला असुन सकाळपासून कायम पाऊस पडत असून रत्नागिरी जिल्ह्यात खेड येथील जगबुडी नदी इशारा पातळी ओलांडून पुन्हा धोक्याच्या पातळीच्या जवळ आहे. त्यामुळे जिल्हा प्रशासने अलर्ट मोडवर राहण्याचे आदेश पालकमंत्री ना.उदयजी सामंत यांनी दिले आहे. सुरक्षेचा उपाय म्हणून पुराआधीच चार दिवसांपूर्वीच रत्नागिरी व रायगड जिल्ह्यात राष्ट्रीय आपत्ती निवारण दलाच्या (NDRF )टीम दाखल झाल्या आहेत. पावसाचा जोर असाच कायम राहिल्यास खेड, पोलादपूर व महाड ही तिन्ही शहरे पुन्हा पुराच्या छायेत येण्याची शक्यता निर्माण झाली आहे.चिपळूण,खेड तालुक्यातील नदीकाठच्या लोकांना सतर्क राहण्याचे आवाहन पालकमंत्री यांनी केले आहे.
