आम. महेंद्रशेठ दळवी यांची प्रमुख उपस्थिती
रेवदंडा- अलिबाग तालुक्यातील वाडगाव येथे हनुमान तालिम संघ व ग्रामस्थ वाडगाव यांचे विदयमाने आयोजीत कुस्ती स्पर्धेचा शानदार शुभारंभ आम. महेंद्रशेठ दळवी यांच्या प्रमुख उपस्थितीत संपन्न झाला.
यावेळी मोठया संख्येने मान्यवर मंडळीची उपस्थिती होती.
सालाबाद प्रमाणे हनुमान तालिम संघ व ग्रामस्थ वाडगाव यांचे विदयमाने दि. 24 सप्टेंबर रोजी दुपारी ठिक तिन वाजता श्री गणेशौत्सवाचे निमित्‍ताने आयोजन अलिबाग तालुका कुस्तीगीर संघटनेचे अध्यक्ष जयेंद्र काशिनाथ भगत यांचे मार्गदर्शनाखाली करण्यात आले आहे. या कुस्ती स्पर्धेत प्रथम क्रमांकाच्या कुस्तीस रूपये 50 हजार रूपये रोख, व्दितीय क्रमांकास रूपये 25 हजार रूपये रोख, तृतीय क्रमांकास रूपये 10 हजार रोख अशी बक्षिसे ठेवण्यात आली आहेत.
प्रथम क्रमांकाची कुस्ती पैलवान नाथा पवार बेनापुर तालीम यांचे विरूध्द पैलवार सागर सुळ सातारा तालीम अशी आहे, तर व्दितीय क्रमांकाची कुस्ती पैलवान सत्‍तपाल शिंदे बेनापुर तालीम विरूध्द पैलवान विशाल राजगे सातारा तालीम तर तृतीय क्रमांकाची कुस्ती पैलवान प्रतिक भंडारी चौधरपाडा तालीम विरूध्द पैलवान अक्षय ठोंबरे सातारा तालीम यांचे सोबत होणार आहे.
कुस्ती स्पर्धेचा प्रारंभ आमदार महेंद्रशेठ दळवी आणि उपस्थित मान्यवर मंडळी यांचे शुभहस्ते दिपप्रज्वलन तसेच श्रीफळ वाढवून करण्यात आले.
त्यानंतर तृतीय क्रमांकाची कुस्ती पैलवान प्रतिक भंडारी चौधरपाडा तालीम विरूध्द पैलवान अक्षय ठोंबरे सातारा तालीम यांचे सोबत आम. महेंद्रशेठ दळवी यांचे हस्ते सलामीने करण्यात आली. दरम्यान उपस्थित आम. महेंद्रशेठ दळवी यांच्या सत्कार शाल,श्रीफळ व पुष्पगूच्छ प्रदान करून श्री थळे यांचे हस्ते करण्यात आला. यावेळी उपस्थित मान्यवरांचे स्वागत पुष्पगूच्छ प्रदान करून वाडगाव ग्रामस्थांचे वतीने करण्यात आले.
